WTC Final IND vs AUS: विराट- रोहितसाठी चार वर्षांनी अनुष्का व रितिका एकत्र..WTC फायनलचा ‘तो’ फोटो पाहून फॅन्स म्हणतात, भांडण संपलं?

वर्ल्ड टेस्ट चॅम्पियनशिपच्या अंतिम फेरीत भारत आणि ऑस्ट्रेलियाचे संघ आमनेसामने आहेत. दोघांमध्ये विजेतेपदाची लढाई सुरूच आहे. फायनलच्या पहिल्या दिवशी स्टँडचा असाच एक फोटो सोशल मीडियावर चांगलाच व्हायरल होत आहे, त्यानंतर विराट कोहलीची पत्नी अनुष्का शर्मा आणि कॅप्टन रोहित शर्माची पत्नी रितिका सजदेह यांच्यातील भांडण संपल्याचे बोलले जात आहे. खरे तर या दोघांमध्ये भांडण झाल्याची अफवा अनेकवेळा पसरलेली होती, अशा परिस्थितीत दोघांना एकत्र पाहून चाहत्यांच्या आनंदाला पारावार उरला नाही.

खरं तर, काही दिवसांपासून रितिका आणि अनुष्काबद्दल अशा बातम्या येत होत्या की, दोघांमध्ये सर्व काही ठीक नाही. २०१९ पासून रोहितने कोहली आणि अनुष्काला इन्स्टावर अनफॉलोही केले होते. यानंतर कोहली आणि अनुष्कानेही एक गुप्त संदेश पोस्ट केला, मात्र ही अफवा होती. ४ वर्षांपूर्वी पत्रकार परिषदेत रितिका आणि अनुष्काबाबतही प्रश्न उपस्थित करण्यात आले होते. त्यावर रवी शास्त्रींनी. “असे प्रश्न विचारू नयेत” म्हणत पुढे ढकलले होते.

एवढेच नाही तर रितिका आणि अनुष्का दोघीही क्वचितच एकत्र दिसल्या. जरी दोघेही स्टेडियममध्ये उपस्थित असले तरी दोघेही अनेकदा वेगळे बसलेले दिसतात. रितिका अनेकदा तिच्या मुलीसोबतचे मॅचचे फोटो सोशल मीडियावर शेअर करते, पण तिच्या फोटोमध्ये अनुष्का कधीच दिसली नाही. बऱ्याच दिवसांनी दोघे एकाच स्टँडमध्ये दिसले. याफोटोंमुळे दोघांमध्ये सर्व काही ठीक असल्याचं चाहत्यांचे म्हणणे आहे.

भारताला हेड-स्मिथची जोडी फोडण्यात यश

ऑस्ट्रेलियाने पहिल्या दिवसाच्या ३२७ धावसंख्येवरून पुढे खेळण्यास सुरुवात केली. ट्रॅव्हिस हेडनंतर स्टीव्ह स्मिथनेही आपले शतक पूर्ण केले. दुस-या दिवसाचा खेळ सुरू झाल्यानंतर स्मिथने दोन चौकार मारून शतक ठोकले. या मैदानावरील त्याचे हे तिसरे शतक आहे. स्मिथचे शतक होताच भारतीय गोलंदाजांना जोडी फोडण्यात यश आले. मोहम्मद सिराजने ट्रॅव्हिस हेडला यष्टिरक्षक श्रीकर भरतकरवी झेलबाद केले. ट्रॅव्हिस हेडने १७४ चेंडूत १६३ धावा केल्या. त्याच्या खेळीत २५ चौकार आणि एका षटकाराचा समावेश होता.

हेही वाचा: WTC Final IND vs AUS: स्मिथ-हेडची जोडी जबरदस्त! सर डॉन ब्रॅडमन यांच्याशी संबंधित ९३ वर्षे जुना विक्रम मोडला

पाठोपाठ मोहम्मद शमीने भारताला पाचवे यश मिळवून दिले आहे. त्याने कॅमेरून ग्रीनला दुसऱ्या स्लिपमध्ये शुबमन गिलकरवी झेलबाद केले. ग्रीनने ७ चेंडूंत एका चौकाराच्या मदतीने ६ धावा केल्या. दुसऱ्या दिवशी पहिल्याच सत्रात दोन गडी बाद करत भारतीय संघाने सामन्यात थोडेसे पुनरागमन केले. सध्या ऑस्ट्रेलियाची धावसंख्या ९५ षटकांत ५ बाद ३७६ अशी आहे.