हॉकी : चॅम्पियन्स ट्रॉफीसाठी सरदार सिंगचे संघात पुनरागमन

सरदार प्रमाणेच राष्ट्रकुल क्रीडास्पर्धांना मुकलेला वीरेंद्र लाक्रा याचेही संघात पुनरागमन झाले आहे. जरमनप्रीत सिंग, सुरेंद्र सिंग, रमणदीप सिंग यांनाही संघात स्थान देण्यात आले आहे. तर तंदुरूस्त नसल्याने रुपिंदर पाल आणि खराब कामगिरीमुळे कोठाजीत सिंग आणि गुरिंदर सिंग यांना बाहेरचा रस्ता दाखवण्यात आला आहे. ललित उपाध्याय आणि गुर्जन्त सिंग यांनाही संघात स्थान मिळवता आले नसून रमणदीप सिंगने बाजी मारली आहे.

चॅम्पियन्स ट्रॉफी स्पर्धा नेदर्लंड्समधील ब्रेडा येथे २३ जूनपासून सुरु होणार आहे. या स्पर्धेसाठी आज १८ जणांच्या संघाची घोषणा करण्यात आली असून पी आर श्रीजेश याच्याकडे संघाच्या कर्णधारपदाची धुरा सोपवण्यात आली आहे. या संघात गोलकिपर सूरज करकेरा याच्या जागी कृष्ण बहादूर पाठकची वर्णी लागली आहे. गतवर्षी या स्पर्धेत भारताने रौप्यपदक मिळवले होते. यंदाच्या स्पर्धेत भारतीय संघ चांगली कामगिरी करेल, असा विश्वास कर्णधार श्रीजेशने व्यक्त केला आहे.

Here is the 18-member squad of the Indian Men’s Hockey Team that will travel to the Netherlands for the Rabobank Men’s Hockey Champions Trophy Breda 2018, which begins on 23rd June. Read for more details.https://t.co/DCcR8xU3oJ#IndiaKaGame

— Hockey India (@TheHockeyIndia) May 31, 2018

भारतीय संघ – श्रीजेश, कृष्ण बहादूर पाठक, हरमनप्रीत सिंग, वरुण कुमार, सुरेंद्र कुमार, जरमनप्रीत सिंग, वीरेंद्र लाक्रा, अमित रोहिदास, मनप्रीत सिंग, चिंग्लेसेन सिंग, सरदार सिंग, विवेक प्रसाद, सुनील विठ्ठलाचार्य, रमणदीप सिंग, मनदीप सिंग, सुमित कुमार (ज्युनिअर), आकाशदीप सिंग, दिलप्रीत सिंग.