IND vs AUS 3rd ODI Match Updates: भारत आणि ऑस्ट्रेलिया यांच्यातील तीन वनडे मालिकेतील तिसरा सामना ऑस्ट्रेलियाने २१ धावांनी जिंकला आहे. यासह कांगारू संघाने मालिकाही २-१ अशी जिंकली. नाणेफेक जिंकून प्रथम फलंदाजी करताना ऑस्ट्रेलियाने भारतासमोर २७० धावांचे लक्ष्य ठेवले होते. प्रत्युत्तरात टीम इंडिया २४८ धावांवर गडगडली आणि सामना गमावला. या सामन्यात सूर्यकुमार यादवला पहिल्याच चेंडूवर बाद झाला. त्यामुळे सलग तीन सामन्यांत गोल्डन डक होणाऱ्या सूर्याच्या नावावर एक लाजिरवाणा विक्रम नोंदवला गेला आहे.

सूर्यकुमार यादव टी-२० आंतरराष्ट्रीय क्रिकेटमधला नंबर वन फलंदाज असेल, पण किमान तीन सामन्यांच्या मालिकेत खेळताना तिन्ही एकदिवसीय सामन्यांमध्ये बाद होणे त्याच्या कारकिर्दीतील एक मोठा धब्बा असेल. असे कोणत्याही क्रिकेटपटूसोबत घडलेले नसून सूर्याच्या नावावर हा लाजिरवाणा विक्रम नोंदवण्यात आला आहे. चेन्नईत झालेल्या सामन्यात सूर्याला अॅश्टन अगरने क्लीन बोल्ड केले. आता एकदिवसीय आंतरराष्ट्रीय सामन्यांच्या सलग तीन डावात पहिल्याच चेंडूवर बाद होणारा तो पहिला भारतीय फलंदाज ठरला आहे.

आणखी वाचा
Joe root make most test runs at lords cricket ground
Joe root : जो रूटने क्रिकेटच्या पंढरीत केला मोठा पराक्रम! सर्व फलंदाजांना मागे टाकत लॉर्ड्सवर केली खास कामगिरी
8th September Rashi Bhavishya & Marathi Panchang
८ सप्टेंबर पंचाग: मेष, कुंभसह ‘या’ पाच राशींच नशीब बदलणार इंद्र योग; सुखाच्या सरी बरसणार तर कोणाचे कष्ट वाढणार; वाचा तुमचे भविष्य
Priyansh Arya hitting six consecutive sixes in an over
DPL 2024 : ६,६,६,६,६,६…भारताच्या ‘या’ फलंदाजाने केला युवराजसारखा पराक्रम, विक्रमी शतकासह धावसंख्येचाही विक्रम
PAK vs BAN Mohammed Rizwan Broke Rishabh Pant and Andy Flower Record
PAK vs BAN: मोहम्मद रिझवानने मोडला ऋषभ पंतचा विक्रम, पराभूत कसोटी सामन्यात ‘ही’ कामगिरी करणारा ठरला पहिला पाकिस्तानी यष्टिरक्षक
WTC Points Table ENG vs SL England big stride After 1st test of ENG vs SL Win by 5 Wickets
WTC Points Table: श्रीलंकेचा पराभव करत इंग्लंडची WTC गुणतालिकेत मोठी झेप, पाकिस्तानसह ‘या’ देशांना टाकलं मागे, भारत कितव्या स्थानी?
Joe Root most test fifty record
ENG vs SL : जो रूटने एकाच डावात मोडले दोन मोठे रेकॉर्ड, राहुल द्रविड आणि ॲलन बॉर्डरला टाकले मागे
ICC Test Ranking Updates Indian Players Ravindra Jadeja and R Ashwin Table Topper
ICC Test Rankings: ICC ने जाहीर केलेल्या ताज्या क्रमवारीत भारताच्या खेळाडूंचा दबदबा, अश्विन-जडेजा पहिल्या स्थानी तर रोहित-विराट…
Darius Visser Breaks Yuvraj Singhs Record of Most Runs in Single Over with 39 runs
39 Runs In An Over: एका षटकात ३९ धावा… ‘या’ फलंदाजाने मोडला युवराज सिंगचा वर्ल्ड रेकॉर्ड, एका ओव्हरमध्ये ६ षटकार

उजव्या हाताचा फलंदाज सूर्यकुमार यादव पहिल्या दोन सामन्यात चौथ्या क्रमांकावर उतरला होता. श्रेयस अय्यरच्या अनुपस्थितीत त्याला संधी मिळाली, पण त्याचा फायदा त्याला घेता आला नाही. त्याच वेळी, तिसऱ्या सामन्यात तो ७ व्या क्रमांकावर उतरला होता. तिथेही तो पहिल्याच चेंडूवर गोल्डन डकचा बळी ठरला. मात्र, सलग तीन एकदिवसीय सामन्यांमध्ये गोल्डन डक होणारा तो पहिला भारतीय फलंदाज आहे, असे नाही.
सूर्याच्या अगोदर हा विक्रम १९९४ मध्ये सचिन तेंडुलकर, १९९६ मध्ये अनिल कुंबळे, २००३-०४ मध्ये झहीर खान, २०१०-११ मध्ये इशांत शर्मा आणि २०१७-१९ मध्ये जसप्रीत बुमराहच्या नावावर होता. तथापि, सूर्यकुमार यादव हा एकमेव खेळाडू आहे, जो वनडे मालिकेतील तीनही सामन्यांमध्ये ० धावांवर बाद झाला.

हेही वाचा – IND vs AUS 3rd ODI: चेन्नईमध्ये डेव्हिड वार्नरने रचला इतिहास; ‘ही’ कामगिरी करणारा ११वा ऑस्ट्रेलियन खेळाडू ठरला

आंतरराष्ट्रीय क्रिकेटबद्दल बोलायचे झाले तर, सलग तीन गोल्डन डक नोंदवणारा यादव जगातील १४वा फलंदाज ठरला. या यादीत अॅलेक स्टीवर्ट, अँड्र्यू सायमंड्स आणि शेन वॉटसन यांच्या नावांचा समावेश आहे.

१.टोनी ब्लेन (१९८६) न्यूझीलंड
२.अॅलेक स्टीवर्ट (१९८९-९०) इंग्लंड
३.इयान ब्लॅकवेल (२००३) इंग्लंड
४.निकोलस डी ग्रूट (२००३) कॅनडा
५.वुसी सिबांडा (२००३) झिम्बाब्वे
६.तिनशे पण्यांगारा (२००३) झिम्बाब्वे
७.अँड्र्यू सायमंड्स (२००३) ऑस्ट्रेलिया
८.ब्रेट ली (२००९) ऑस्ट्रेलिया
९.शेन वॉटसन (२००९) ऑस्ट्रेलिया
१०.जेम्स नोचे (२०१०) केनिया
११.देवेंद्र बिशू (२०११) वेस्ट इंडिज
१२.अॅलेक्स कुसॅक (२०१२-१३) आयर्लंड
१३.ब्लेसिंग मुजारबानी (२०२१) झिम्बाब्वे
१४.सूर्यकुमार यादव (२०२३) भारत