औषधी गुणधर्मांनी युक्त मधाचे सेवन आरोग्यासाठी खूप फायदेशीर आहे. मधाचे सेवन केल्याने रोगप्रतिकारशक्ती मजबूत राहते, तसेच अनेक आजारांवर उपचार होतात. मध आरोग्यासाठी जितके फायदेशीर आहे तितकेच ते केसांसाठीही उपयुक्त आहे. हिवाळ्यात केसांच्या बहुतेक समस्यांवर मध हा उत्तम उपाय आहे. केस कोरडे असतील आणि केस गळण्याचे प्रमाण जास्त असेल तर मधाचा हेअर मास्क लावा. मधाचा हेअर मास्क केसांना मुळांपासून मजबूत करतो, तसेच केसांचा कोरडेपणा दूर करतो. मधामध्ये असलेले अँटिऑक्सिडंट गुणधर्म केसांसाठी फायदेशीर असतात. जर तुम्ही केसांवर विविध प्रकारचे कॉस्मेटिक उपचार करत असाल तर केसांवर मधाचा मास्क नक्कीच वापरा. मध केसांचे पोषण करते आणि हानिकारक रसायनांमुळे होणाऱ्या नुकसानापासून केसांचे संरक्षण करते. अशा अनेक गुणधर्मांनी समृद्ध मधाचे कोणते फायदे आहेत आणि त्याचा वापर कसा करायचा ते जाणून घेऊयात. केस गळणे कमी होते केसांवर मध वापरल्याने टाळू निरोगी होते आणि केसांची वाढ सुधारते. तसेच मधाचा अँटिऑक्सिडंट हा गुणधर्म केस गळती कमी करण्यासाठी देखील प्रभावी आहे. डोक्यातील कोंडा दूर होतो केसांवर मध वापरल्याने कोंडा दूर होतो. अनेक संशोधनांनुसार मध seborrheic dermatitis च्या उपचारात देखील मदत करू शकतो. स्तनपान करणार्‍या मातांनी त्यांच्या आहारात ‘या’ महत्त्वाच्या पदार्थांचा करा समावेश केसांच्या समस्या दूर करण्यासाठी मधाचा हेअर मास्क कसा तयार करावा, जाणून घ्या केस कोरडे झाले असतील तर मधाचा वापर करा. दह्यात मध मिसळून हेअर मास्क बनवा आणि केसांना लावा. यामुळे केसांचा कोरडेपणा दूर होईल आणि केसांना पोषण देखील मिळेल. केस दुतोंडी झाले असतील तर मध आणि अंड्याचा हेअर मास्क लावा. मधाचा हेअर मास्क लावण्यासाठी त्यात अंड्याचा वापर करा. हा हेअर मास्क लावल्याने दुतोंडी केसांपासुन मुक्तता मिळेल आणि केसांना निरोगी देखील बनवेल. एका संशोधनानुसार अंड्यातील पिवळ बलकमधील असलेले वॉटर सोल्यूबल पेप्टाइड हे केसांची वाढ सुधारण्यास मदत करते. केसांच्या वाढीसाठी मध आणि कोरफडीचा मास्क लावा. केसांची वाढ कमी होत असेल तर केसांना मधासोबत कोरफडीचा वापर करा. मध आणि कोरफडीची पेस्ट केसांच्या वाढीस मदत करेल. (टीप: वरील टिप्सचा वापर करताना क्षेत्रातील तज्ञांचा सल्ला घ्या.)
