scorecardresearch

Premium

रोज कढीपत्ता खा, झटपट वजन घटवा; डॉक्टरांनी सांगितले कढीपत्ता खाण्याचे ‘हे’ जबरदस्त फायदे

दररोज कढीपत्ता खाल्ल्यास तुमच्या शरीरावर काय परिणाम होतील याबाबत हेल्थ एक्सपर्टचे काय मत आहे जाणून घेऊ…

what happens if you have curry leaves everyday
रोज कढीपत्ता खा, झटपट वजन घटवा; आहारतज्ज्ञांनी सांगितले कढीपत्ता खाण्याचे 'हे' जबरदस्त फायदे (photo – freepik)

निरोगी जीवनशैली आणि वजन नियंत्रणात ठेवण्यासाठी अनेकजण वेगवेगळे उपाय शोधत असतात. यात कढीपत्ता आपल्या आरोग्यासाठी अत्यंत फायदेशीर मानला जातो. त्याला विशेष सुगंध आणि चव आहे; यामुळे कढी, सांबर, वरण यांसारख्या पदार्थांमध्ये कढीपत्त्याचा वापर केला जातो. कढीपत्त्यामुळे शरीरातील अतिरिक्त चरबी कमी करण्यासाठी मदत होते. तसेच पाचक प्रणाली सुधारते, ज्यामुळे वजन नियंत्रणात राहते. अशा परिस्थितीत दररोज कढीपत्ता खाल्ल्यास तुमच्या शरीरावर काय परिणाम होतील, याविषयी इंडियन एक्स्प्रेसशी बोलताना योग इन्स्टिट्यूटच्या संचालिका डॉ. हंसाजी योगेंद्र यांनी सविस्तर माहिती दिली आहे.

शरीरातील अतिरिक्त चरबी कमी करण्यास फायदेशीर

डॉ. हंसाजी योगेंद्र यांच्या म्हणण्यानुसार, कढीपत्ता खाल्ल्यास शरीरातील अतिरिक्त चरबी कमी होण्यास मदत होते. शिवाय चयापचयाच्या क्षमतेत वाढ होते. कढीपत्त्यात असलेल्या कार्बाझोल अल्कलॉइड्समध्ये लठ्ठपणाविरोधी गुणधर्म असल्याचे मानले जाते. वजन कमी करण्याबरोबरच कढीपत्त्याची पानं पचन सुधारणे, हृदयविकाराचा धोका कमी करणे आणि कोलेस्ट्रॉलची पातळी कमी करण्यास फायदेशीर मानली जातात.

kitchen jugaad stick bindi paper on gas cylinder
Kitchen jugaad: महिलांनो सिलिंडरखाली टिकलीचं पॅकेट नक्की ठेवा; मोठ्या समस्येवर उपाय, परिणाम पाहून डोळ्यांवर विश्वास बसणार नाही
Kitchen Hacks
तांदळात किड, अळ्या झाल्यात? ‘हे’ ६ घरगुती उपाय करुन पाहा, वर्षभर टिकतील तांदूळ!
Here’s why you should start your day with fenugreek seeds or methi water
सकाळी उठल्यानंतर पहिल्यांदा मेथीचे पाणी का प्यावे? काय सांगतात आहारतज्ज्ञ, जाणून घ्या…
Curry leaves
कढीपत्ता- चरबी कमी करणारे सुपरफूड; वजन कमी करण्यासाठी कसे ठरते फायदेशीर? जाणून घ्या

आहारात अशाप्रकारे करा कढीपत्त्याचा वापर

कढीपत्त्याचे आरोग्यासाठी आवश्यक फायदे मिळविण्यासाठी तुम्ही रोजच्या आहारात त्याचा विविध प्रकारे वापर केला पाहिजे.

१) रोज सकाळी रिकाम्या पोटी काही ताजी कढीपत्त्याची पानं खा, यामुळे शरीरास फायदेशीर पोषक घटक वाढतात आणि आपल्या शरीरातील चयापचय क्रिया सुधारते.

२) स्वयंपाक करताना वेगवेगळ्या पदार्थांमध्ये कढीपत्त्याचा वापर करा. तुम्ही करी, सूप आणि फोडणीचा भात अशा विविध पदार्थ्यांची चव वाढवण्यासाठी कढीपत्ता वापरू शकता.

३) कढीपत्त्यापासून सुगंधी चहा बनवण्यासाठी तुम्ही मूठभर कढीपत्ता पाण्यात उकळवा. यानंतर पाणी गाळून घ्या. आता त्यात लिंबाचा रस आणि थोडे मध घाला. वजन कमी करण्यासाठी हा चहा दररोज झोपेच्या वेळी पिऊ शकता. विशेषत: लठ्ठपणाचा सामना करणाऱ्या लोकांसाठी हा चहा खूप फायदेशीर ठरू शकतो.

साइड-फॅट कटर चहा बनवण्याची कृती

तुम्ही कढीपत्त्याचा वापर करून खालीलप्रकारे चहाचा नवा प्रकार ट्राय करू शकता.

१) १ कप पाणी उकळा, त्यात १ टीस्पून जिरे आणि १०-१२ कढीपत्ता टाकून ती ३-४ मिनिटे उकळवा. आता गॅस बंद करा. यानंतर १/२ टीस्पून हळद घालून ढवळावे.

डॉ. हंसाजी यांच्या मते, कढीपत्त्याच्या पानांमध्ये फॅट बर्न करणारे गुणधर्म आहेत, तसेच जिरे आणि हळदीही शरीरास अतिशय गुणकारी घटक असतात. हळदीत कर्क्यूमिन असते, जे शरीरातील अतिरिक्त चरबी वाढवण्याचे प्रमाण रोकतात. तर जिरे शारीरिक प्रक्रियांचा वेग वाढवून कॅलरी पटकन बर्न करण्यास मदत करते.

कढीपत्त्याच्या पानांचे इतरही अनेक फायदे

वजन कमी करण्यास मदत करण्याबरोबरच कढीपत्त्याचे इतरही अनेक आरोग्यदायी फायदे आहेत. कढीपत्ता कॅल्शियम, फॉस्फरस आणि लोह यांसारख्या महत्त्वपूर्ण खनिजांसह जीवनसत्त्वे ए, बी, सी आणि ई समृद्ध आहे. या पानांमध्ये अँटिऑक्सिडंट्सदेखील असतात, जे शरीरातील ऑक्सिडेटिव्ह तणाव आणि जळजळ कमी करण्यास मदत करतात, असंही डॉ. हंसाजी यांनी स्पष्ट केले.

वजन कमी करण्यासाठी कढीपत्त्याची पानं फायदेशीर आहेतच, पण तुम्ही वजन नियंत्रणात ठेवण्यासाठी संतुलित दृष्टिकोन ठेवणे फार महत्त्वाचे आहे. वजन नियंत्रणात ठेवण्यासाठी रोज संतुलित आहार, नियमित व्यायाम आणि इतर निरोगी जीवनशैलींची निवड करणे फार महत्वाचे आहे. यामुळे तुम्ही आहारात विविध पद्धती करून एक निरोगी आरोग्य मिळवू शकता, असेही डॉ. हंसाजी म्हणाले.

Latest Comment
View All Comments
Post Comment

मराठीतील सर्व हेल्थ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: What happens body chew have curry leaves every day benefits sjr

First published on: 29-11-2023 at 18:51 IST

संबंधित बातम्या

तुम्ही या बातम्या वाचल्या आहेत का? ×