Basin Sink Blockage: बेसिनमध्ये भांडी घासताना अनेकदा उरलेलं खरकटं सिंकमध्ये अडकतं, ज्यामुळे सिंकमध्ये कोणतंही काम करणं अवघड होऊन जातं. यामुळे सिंकमध्ये खूपवेळ पाणी तुंबून राहते, अशाने किचनमध्ये दुर्गंधी जाणवू लागते. जर तुमच्या स्वयंपाकघरातील सिंक वारंवार जाम होत असेल किंवा त्यातून दुर्गंधी येत असेल तर घाबरून जाण्याची गरज नाही.
अगदी सोप्या आणि घरगुती उपायांच्या मदतीने, तुम्ही केमिकल आणि महागड्या क्लीनरशिवाय सिंक स्वच्छ करू शकता. हा उपाय केवळ प्रभावीच नाही तर पूर्णपणे नैसर्गिक आणि आरोग्यासाठी सुरक्षित देखील आहे. चला तर मग जाणून घेऊया या अद्भुत उपायाबद्दल जो तुम्ही फक्त १० मिनिटांत वापरून पाहू शकता.
तुमच्या स्वयंपाकघरात असलेले चार सामान्य घटक म्हणजे – बेकिंग सोडा, पांढरा व्हिनेगर, लिंबाचा रस आणि गरम पाणी.
बेसिनमधून दुर्गंधी, ब्लॉकेजवर उपाय (Smelly Basin)
सर्वप्रथम, सिंक ड्रेनमध्ये सुमारे अर्धा कप बेकिंग सोडा घाला. बेकिंग सोडा हा एक नैसर्गिक क्लिनर आहे जो घाण आणि चिकट तेल काढून टाकण्यास मदत करतो. यानंतर, त्यात अर्धा कप पांढरा व्हिनेगर घाला. जेव्हा या दोन्ही गोष्टी मिसळल्या जातात तेव्हा एक फेस तयार होतो, जो सिंक पाईप्समध्ये अडकलेली घाण सोडवण्यास प्रभावी ठरतो. आता काही मिनिटे असेच राहू द्या जेणेकरून हे मिश्रण त्याचे काम करू शकेल.
यानंतर, पुढची स्टेप म्हणजे लिंबाचा रस. लिंबाचा रस केवळ एक नैसर्गिक दुर्गंधीनाशक नाही तर त्यात असलेले सायट्रिक आम्ल दुर्गंधी आणि बॅक्टेरिया नष्ट करण्यास देखील मदत करते. बुडबुडे येण्याच्या प्रतिक्रियेनंतर, सिंकमध्ये एक संपूर्ण लिंबू पिळून काही मिनिटे राहू द्या. यामुळे पाईप्स ताजे राहतील आणि कोणत्याही प्रकारचा वास निघून जाईल.
आता शेवटची स्टेप म्हणजे गरम पाण्याने फ्लशिंग करणे. सिंकमध्ये सुमारे एक लिटर उकळते पाणी ओता. यामुळे सर्व साचलेले ग्रीस आणि घाण बाहेर पडेल. फोम आणि आम्लयुक्त घटकांसह गरम पाणी पाईपच्या आतील बाजूस स्वच्छ करते आणि सिंक पुन्हा सुरळीतपणे चालतो.
या संपूर्ण प्रक्रियेत, तुम्हाला कोणत्याही हार्श केमिकल्सची आवश्यकता नाही किंवा तुम्हाला प्लंबरला बोलवण्याची आवश्यकता नाही. हा उपाय खूप सोपा, स्वस्त आणि प्रभावी आहे. सर्वात महत्वाची गोष्ट म्हणजे हा उपाय पूर्णपणे सुरक्षित आहे, विशेषतः जेव्हा घरात लहान मुले किंवा पाळीव प्राणी असतात. या सल्ल्यानुसार जर तुम्ही ही पद्धत अवलंबली तर तुमचे सिंक स्वच्छ आणि दुर्गंधीमुक्त राहीलच, शिवाय तुमचे स्वयंपाकघर अधिक निरोगी आणि ताजे वाटेल. म्हणून पुढच्या वेळी जेव्हा तुमचे जाम होईल असेल किंवा वास येत असेल तेव्हा घाबरून जाण्याची गरज नाही.
