Tulsi Water: सकाळी रिकाम्या पोटी तुळशीचे पाणी प्या; शरीराला मिळतात ‘हे’ आश्चर्यकारक फायदे

तुळशीच्या पानांचे पाणी रोज रिकाम्या पोटी पिणे आरोग्यासाठी फायदेशीर आहे. ते कसे बनवायचे आणि त्याचे फायदे जाणून घेऊयात.

तुळशीच्या पानांचे पाणी

यासाठी एका पातेल्यात एक ग्लास पाणी घालून चांगले उकळू द्या. पाणी उकळल्यावर तुळशीची पाने घाला. पाण्याचे प्रमाण निम्म्यावर येईपर्यंत हे पाणी उकळा. यानंतर, गॅस बंद करा आणि फिल्टर करा. चव वाढवण्यासाठी मध देखील यामध्ये मिक्स केला जाऊ शकतो.

हे आहेत आश्चर्यकारक फायदे

साखरेची पातळी नियंत्रणात ठेवते

तुळशीचे पाणी चयापचय वाढवण्यास मदत करते. यामुळे, चरबी आणि कार्बोहायड्रेट बर्न करण्यास मदत होईल. तसेच रक्तातील साखरेची पातळी राखते. मधुमेहाच्या रुग्णांसाठी हे खूप फायदेशीर आहे.

वजन कमी करते

आज प्रत्येक व्यक्ती वाढलेल्या वजनामुळे त्रस्त आहे. कारण लठ्ठपणा इतर रोगांना आमंत्रण देतो. वास्तविक तुळशीचे पान चयापचय वाढवण्यास मदत करते. यामुळे वजन नियंत्रित होण्यास मदत होते.

हेही वाचा – Almond Benefits: बदाम सोलून खावेत की न सोलता? जाणून घ्या बदाम खाण्याची योग्य पद्धत

पाचक प्रणालीसाठी चांगले

जर तुम्हाला अपचन आणि अॅसिडिटीची समस्या असेल तर रोज 2 ते 3 पाने चावून खा. याशिवाय तुळशीच्या पानांचा रस आणि लिंबाचा रस मिसळून नारळाचे पाणी प्यायल्याने पोटदुखी दूर होते.

रोगप्रतिकारक शक्ती

तुळशीच्या पानांमध्ये असलेले अँटी-ऑक्सिडेंट आणि अँटीबायोटिक गुणधर्म शरीराची रोगप्रतिकारक शक्ती सुधारण्यास मदत करतात. यामुळे केवळ सर्दी, खोकलाच नव्हे तर पचनाशी संबंधित समस्या देखील दूर होतील. तुळशीची पाने पचन प्रक्रिया सुधारण्यास मदत करतात. यासह आम्लपित्त (Acidity) आणि पोटातील जळजळ होण्याची समस्या देखील दूर करतात. तुळशीची पाने शरीराची पीएच पातळी संतुलित किंवा योग्य राखण्यासाठी देखील उपयुक्त ठरतात.