News Flash

नांदेड: “…म्हणून मी घोड्यावरून ऑफिसला येणार, जिल्हाधिकारी कार्यालयात घोडा बांधण्याची परवानगी द्या”

कर्मचाऱ्याने जिल्हाधिकाऱ्यांना लिहिलेलं पत्र व्हायरल

प्रातिनिधिक फोटो (मूळ फोटो रॉयटर्सवरुन साभार)

नांदेडमधील रोहयो येथे जिल्हाधिकारी कार्यालयामध्ये काम करणाऱ्या एका कर्मचाऱ्याने जिल्हाधिकाऱ्यांकडे एक विचित्र विनंती केली आहे. आपण ऑफिसला येताना घोड्यावर येण्याचा विचार करत असून जिल्हाधिकारी कार्यालयाच्या परिसरामध्ये मला घोडा बांधण्यासाठी परवानगी देण्यात यावी अशी मागणी सहाय्यक लेखाधिकारी असणाऱ्या सतीश देशमुख या व्यक्तीनं केली आहे. सध्या सोशल नेटवर्किंगवर या पत्राची तुफान चर्चा आहे.

तीन मार्च रोजी हे पत्र लिहिण्यात आलं आहे. ‘कार्यलयीन परीसरामध्ये घोडा बांधण्याची परवानगी मिळण्याबद्दल’, असा या पत्राचा विषय आहे. ‘उपरोक्त विषयी विनंती करण्यात येते की मी सतीश पंजाबराव देशमुख, सहाय्यक लेखाधिकारी (रोहयो शाखा) जिल्हाधिकारी कार्यालय, नांदेड येथे कार्यरत आहे. मला पाठीच्या कण्याचा त्रास होत असल्यामुळे टू व्हिलरवर येण्यास त्रास होतो. त्यामुळे मी घोडा खरेदी करण्याचे ठरविले आहे. घोड्यावर बसून विहीत वेळेत कार्यालयामध्ये येणे मला शक्य होईल व घोडा आणल्यास त्याला बांधण्यासाठी कार्यालयीन परिसरात परवानगी देण्यात यावी, ही विनंती,’ असा मजकूर या पत्रामध्ये आहे. तसेच या पत्राची एक प्रत रोहयोच्या उपजिल्हाधिकाऱ्यांनाही पाठवण्यात आल्याचेही पत्रामध्ये नमूद केलं आहे.

या अर्जावर वैद्यकीय अधिष्ठातांचा अभिप्राय मागवण्यात आला असल्याची माहिती जिल्हा प्रशासनाने दिली आहेत. तसेच या प्रकरणी प्रशासनाची बदनामी झाली असून संबंधित अधिकाऱ्यावर शिस्तभंगाची कार्यवाही करण्याच्या संदर्भानेही जिल्हा प्रशासनाकडून विचार सुरु असल्याचे सांगण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 3, 2021 6:16 pm

Web Title: nanded zilla parishad employee ask permission from collector for parking a horse in zilla parishad premises scsg 91
Next Stories
1 भाजपाने कोणतेही आदर्श निर्माण न करता तयार आदर्शांवर आपला शिक्का मारलाय; उद्धव ठाकरेंचा टोला
2 भाजपाला भारतमाता की जय बोलण्याचा अधिकार नाही; RSSचा हवाला देत ठाकरेंची टीका
3 ‘पुन्हा येईन… पुन्हा येईन’ म्हणत करोनाही आला; उद्धव ठाकरेंची फडणवीसांना कोपरखळी
Just Now!
X