News Flash

लाचप्रकरणी जिल्हाधिकाऱ्याच्या स्वीय सहाय्यकाला अटक

रायगडच्या जिल्हाधिकारी कार्यालयावर मंगळवारी संध्याकाळी लाचलुचपत विभागाची धाड पडली. निवासी जिल्हाधिकाऱ्यांच्या स्वीय सहाय्यकाला सव्वा लाख रुपयांची लाच घेतांना रंगेहाथ पकडले आहे.

| July 24, 2013 04:44 am

रायगडच्या जिल्हाधिकारी कार्यालयावर मंगळवारी संध्याकाळी लाचलुचपत विभागाची धाड पडली. निवासी जिल्हाधिकाऱ्यांच्या स्वीय सहाय्यकाला सव्वा लाख रुपयांची लाच घेतांना रंगेहाथ पकडले आहे. विनोद लचके असे या स्वीय सहाय्यकाचे नाव आहे.
कर्जत तालुक्यातील वेणगाव येथील जमिन बिन शेती करण्यासाठी ही लाच मागण्यात आली होती. रायगडच्या जिल्हाधिकाऱ्यांच्या नावाखाली लचके यांनी कृष्णा आंबवणे यांना १ लाख ३० हजारांची लाच मागीतली होती. तडजोडीनंतर १ लाख २५ हजारावर देण्याचे आंबवणे यांनी मान्य केले होते. जिल्हाधिकारी कार्यालयासमोरच मंगळवारी संध्याकाळी ही रक्कम देण्याचे ठरले होते.
 या प्रकरणी आंबवणे यांनी रायगडच्या लाचलुचपत विभागात तक्रार केली होती. त्यानुसार रचुन लचके यांना रंगेहाथ पकडले होते. या लाचलुचपत विभागाच्या उप पोलीस अधिक्षक सुनिल कलगुटकर आणि पोलीस निरीक्षक जे बी पाटील यांच्यानेतृत्वाखाली हा सापळा लावण्यात आला होता. गेल्या कित्येक वर्षांत रायगड जिल्हाधिकारी कार्यालयावर लाचलुचपत विभागाने केलेली सर्वात मोठी कारवाई मानली
जाते .
दरम्यान लचके यांनी जिल्हाधिकाऱ्यांच्या नावाने लाच मागीतली असल्याने या प्रकरणात जिल्हाधिकारी आणि निवासी जिल्हाधिकाऱ्यांची चौकशी होण्याची शक्यता आहे. दरम्यान लाचलुचपत विभागाच्या पथकाने लचके यांच्या घराची तपासणी सुरु केली आहे. लचके यांना अटक करुन बुधवारी अलिबागच्या सत्र न्यायालयात हजर केल जाण्याची शक्यता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 24, 2013 4:44 am

Web Title: personal attendant of district collector arrested for taking bribe
टॅग : Bribe
Next Stories
1 मद्य अनुज्ञप्तीभंगांचे गुन्हे पोलीस कारवाईच्या अखत्यारीतील नाहीत
2 श्रीनिवास पाटील यांना राज्यपालपदाची शपथ
3 नाशिकच्या पर्यटकाचा ओढय़ात बुडून मृत्यू
Just Now!
X