वाई: पुणे – बंगळुरू महामार्गावरील सातारा पुणे मार्गावर खंबाटकी बोगद्यात आज (शुक्रवारी) पुन्हा मोटारीवर लोखंडी खांब पडल्याची घटना घडली. या घटनेत मोटारीचे माेठे नुकसान झाले.
बोगद्यातून पुण्याकडे जाणाऱ्या चालत्या मोटारीच्या बोनेटवर लोखंडी अँगल आदळल्याने चालक एकदम घाबरला. त्याने प्रसंगावधान राखून तातडीने गाडी एका बाजूला घेतली. या गाडीच्या पुढच्या भागाचे नुकसान झाले आहे.
हेही वाचा… राजकीय दबावातून ईडी कारवाई झाली का? राजमल लखीचंद ज्वेलर्सचे ईश्वरलाल जैन यांनी दिलं उत्तर, म्हणाले…
बुधवारी एका ट्रकवर लोखंडी अँगल कोसळून अपघात झाला होता. त्यानंतर आज पुन्हा गाडीवर लोखंडी खांब कोसळला. प्रकाशासाठी लावण्यात आलेले खांब मोटारी व ट्रक वर पडत असल्याने वाहनचालकांनी चिंता व्यक्त केली आहे.
हेही वाचा… भाजपाचं ‘दुकान’ जोरात, पण नवीन ग्राहकच जास्त! स्वपक्षाच्या सद्यस्थितीवर नितीन गडकरींचा मार्मिक टोला
दरम्यान आज प्रशासनाने बोगद्याची पाहणी केली. दुपारपासून सायंकाळ पर्यंत बोगद्यात दुरुस्तीचे काम करण्यात आले. सातारा बाजुकडून पुणे बाजुकडे खंबाटकी बोगदा मार्गे जाणारी वाहतूक बंद करण्यात येणार आहेत. हलक्या वाहनांकरिता पर्यायी मार्ग खंबाटकी घाट मार्गे आहे. जड वाहनांकरिता पुणे बाजूकडे जाणारी सर्व वाहतूक नमूद वेळेत पूर्णपणे बंद करण्यात आली होती. महामार्गावर उपविभागीय पोलीस अधिकारी बाळकृष्ण भालचिम व भुईंजचे सहाय्यक पोलीस निरीक्षक रमेश गर्जे यांनी चोख बंदोबस्त तैनात केला होता.
