सोलापूर, पंढरपुरात ढगाळ वातावरण

सोलापूर, पंढरपूरसह अनेक ठिकाणी ढगाळ वातावरण आणि वारे वाहत होते.

पंढरपुरात शनिवारी रात्री  पावसाने हजेरी लावली

शनिवारी रात्री वादळी वाऱ्यासह पाऊस

पंढरपूर : सोलापूर, पंढरपूरसह अनेक ठिकाणी ढगाळ वातावरण आणि वारे वाहत होते. मात्र शनिवारी रात्री पंढरपुरात वादळी वाऱ्यासह पावसाने चांगली हजेरी लावली. तसेच सोलापूर शहरात देखील सोसाटय़ाचा वारा आणि पावसाने चांगलेच झोडपून काढले. शहरात काही ठिकाणी झाडे उन्मळून पडल्याची घटना झाली. मात्र आधी पाऊस आणि नंतर ढगाळ वातावरण यामुळे हवेत गारवा निर्माण झाला आहे.

हवामान खात्याने दिलेल्या अंदानुसार सोलापूर शहराला शनिवारी पावसाने चांगलेच झोडपून काढले. गेले काही दिवस उकाडय़ाने हैराण झालेल्या सोलापुरकरांना थोडासा दिलास मिळाला. सुरुवातीला सोसाटय़ाचा वारा सुटला आणि त्यानंतर पावसाने हजेरी लावली. पावसाच जोर आणि वारा यामुळे शहरात काही ठिकाणी झाडे उन्मळून पडली. तर अनेक ठिकाणी वीजपुरवठा खंडित झाला होता. मात्र वीज वितरणचे अधिकारी व कर्मचारी यांनी तातडीने वीज पुरवठा सुरळीत केला. तर दुसरीकडे ग्रामीण भागात पाऊस पडल्याची माहिती आहे.

पंढरपुरात शनिवारी रात्री साडेसातच्या सुमारास सुरुवातीला वारे आणि त्यानंतर पावसाला सुरुवात झाली.

तालुक्यात सरासरी १८ मि.मी पावसाची नोंद झाली. यात सर्वाधिक तुंगत येथे ३२ करकंब येथे ३० मि.मी तर भाळवणी २५ आणि पंढरपूर येथे १६ मि.मी पावसाची नोंद झाली. दिवसभर उन्हाचा तडाखा वाढत होता. सुमारे दीड तास पावासाने वातावरणात बदल होऊन गारवा जाणवू लागला. दरम्यान, रविवारी दिवसभर ढगाळ वातावरण होते. तसेच वारे देखील वाहत होते. असे असले तरी या अवकाळी पावसाने वातावरणात बदल झाला आहे. मात्र फळ बागायतदारांना याचा फटका बसला आहे.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Cloudy weather in solapur pandharpur ssh