ठरलं! आजच होणार शपथविधी; फडणवीस मुख्यमंत्री तर शिंदे उपमुख्यमंत्री; राजभवनात तयारी पूर्ण

दोन्ही नेते राजभवनावर राज्यपाल भगतसिंह कोश्यारी यांना भेटून सत्तास्थपानेचा आणि बहुमत असल्याचा दावा करणार आहेत. त्यानंतर आजच संध्याकाळी ७ वाजता शपथविधी होणार असल्याची माहिती एबीपी माझाने दिली आहे. देवेंद्र फडणवीस मुख्यमंत्री तर एकनाथ शिंदे उपमुख्यमंत्री म्हणून शपथ घेतील. राजभवनात यासाठी तयारी करण्यात आली आहे. सध्या एकनाथ शिंदे फडणवीसांच्या भेटीसाठी त्यांचे सरकारी निवासस्थान असणाऱ्या ‘सागर’ बंगल्यावर पोहोचले आहेत. यावेळी फडणवीसांबरोबरच चंद्रकांत पाटील, आशिष शेलार, पंकजा मुंडे यासारखे भाजपाचे प्रमुख नेतेही उपस्थित आहेत.

सत्तास्थापनेचं गणित कसं…
भाजपा एकनाथ शिंदे गटातील ३९ शिवसेनेचे आमदार आणि अपक्ष ९ अशा ४८ आमदारांच्या मदतीने सरकार स्थापन करण्याच्या प्रयत्न आहे. असं झालं तर एकनाथ शिंदेंना उपमुख्यमंत्री पद मिळू शकतं. मध्यरात्री सर्व बंडखोर आमदार गोव्यामध्ये दाखल झाले आहेत. २२ जून पाहून हे आमदार गुवाहाटीमधील ‘रेडिसन्स ब्लू’ हॉटेलमध्ये वास्तव्यास होते.

नक्की वाचा >> ‘शिंदेंकडे १४४ चं बहुमत नसून ५० आमदार आहेत’ म्हणणाऱ्या सुप्रिया सुळेंना निलेश राणेंचा टोला; म्हणाले, “काही किती हुशार…”

३० जूनच्या बहुमत चाचणीच्या पार्श्वभूमीवर ते काल म्हणजेच २९ जून रोजी गोव्यात दाखल झाले. गोव्याचे मुख्यमंत्री मध्यरात्री साडे बाराच्या सुमारास या आमदारांच्या स्वागतासाठी पोहोचले होते. सध्या भाजपाकडे १०६ चे संख्याबळ असून ४८ आमदारांच्या मदतीने भाजपाला बहुमताचा १४५ चा आकडा सहज गाठणं शक्य आहे.