scorecardresearch

Premium

Maharashtra News: “…हे भुरटे राज्याला न्याय देऊ शकत नाहीत”, उद्धव ठाकरेंचा सत्ताधाऱ्यांवर हल्लाबोल!

Maharashtra Political News Today: महाराष्ट्रातील महत्त्वाच्या घडामोडी जाणून घ्या एका क्लिकवर!

Uddhav-Thackerya
काय म्हणाले उद्धव ठाकरे? (फोटो – संग्रहित छायाचित्र)

Marathi News Update, 28 November 2023: महाराष्ट्रात एकीकडे मराठा आरक्षणाचा मुद्दा तापलेला असताना दुसरीकडे विधानसभा अध्यक्षांसमोर चालू असलेल्या आमदार अपात्रता सुनावणीची चर्चा पाहायला मिळत आहे. ओबीसी कोट्यातून मराठा समाजाला आरक्षण न देण्यावर छगन भुजबळ आक्रमक झाले आहेत. तर, विधानसभा अध्यक्षच सरकारला संरक्षण देत असताना हे सरकार कसं पडेल? असा सवाल विरोधकांकडून केला जात आहे.

mou between State Governments for Supply of Skilled Manpower to Germany
जर्मनीला कुशल मनुष्यबळ पुरविण्यासाठी राज्य सरकारचा सामंजस्य करार
Thackeray Group
“शेतकऱ्यांना चक्रव्यूहात ठेवून पंतप्रधान अलहान मोदीच्या आत्मनंदात”, शेतकरी आंदोलनावरून ठाकरे गटाची टीका
Raj Thackeray on ED Action BJP
“भाजपाला भविष्यात ईडीचं राजकारण…”, राज ठाकरेंचा सत्ताधाऱ्यांना सूचक इशारा; म्हणाले…
Devendra Fadnavis Bhujbal Jarange
“केवळ नोंदी असणाऱ्यांनाच…”, भुजबळांच्या विरोधानंतर मराठा आरक्षणाबाबत फडणवीसांनी स्पष्ट केली सरकारची भूमिका
Live Updates

Mumbai Maharashtra Breaking News: आमदार अपात्रतेच्या मुद्द्यावरून राजकारण पेटलं!

18:26 (IST) 28 Nov 2023
Marathi News Live Update: पाहा उद्धव ठाकरे नेमकं काय म्हणाले…

पाहा उद्धव ठाकरे नेमकं काय म्हणाले…

https://twitter.com/OfficeofUT/status/1729410611954827274

18:23 (IST) 28 Nov 2023
Marathi News Live Update: उद्धव ठाकरेंचा सत्ताधाऱ्यांवर हल्लाबोल!

स्वतःच घर न सांभाळता दुसऱ्याच्या घरात डोकावणारे हे भुरटे राज्याला न्याय देऊ शकत नाहीत! – उद्धव ठाकरे

https://twitter.com/OfficeofUT/status/1729412192184008893

17:36 (IST) 28 Nov 2023
‘आवाहन…’, शरद पवारांचं खुलं पत्र; मुख्यमंत्री एकनाथ शिंदेंचा उल्लेख करून म्हणाले…

राष्ट्रवादी काँग्रेसचे अध्यक्ष शरद पवार यांनी सोशल मीडियावर एक आवाहन करणारं पत्र पोस्ट केलं आहे.

वाचा सविस्तर

17:23 (IST) 28 Nov 2023
Marathi News Live Update: आमदार अपात्रतेसंदर्भातील आजची सुनावणी संपली…

सुनील प्रभूंची उलट तपासणी चालू होती. त्यानंतर आम्हालाही बोलवलं जाईल. त्यामुळे आजची सुनावणी ऐकून तयारी करण्यासाठी आम्ही आलो होतो. विरोधक त्यांची बाजू मांडतीलच. आमच्या वकिलांनी आमची बाजू मांडल्यानंतर अध्यक्ष त्यांचा निर्णय देतील – भरत गोगावले, शिंदे गट

16:43 (IST) 28 Nov 2023
Marathi News Live Update: अंबादास दानवेंचं राज्य सरकारला आव्हान…

सरकारमध्ये हिंमत असेल तर त्यांनी उद्धव ठाकरेंवर कारवाई करून दाखवावी – अंबादास दानवे, विधानपरिषद विरोधी पक्षनेते

16:42 (IST) 28 Nov 2023
Marathi News Live Update: माजी मुख्यमंत्री अशोक चव्हाण यांचं मराठा आरक्षण समितीवर भाष्य…

कायदेशीर गोष्टीची पूर्तता करण्यासाठी समितीची आवश्यकता असेलच. ही कोणती राजकीय समिती नाही. ती न्यायमूर्तींच्या अध्यक्षतेखाली स्थापन झाली आहे. त्यामुळे त्या समितीला कायदेशीर आधार आहे. ती समिती बरखास्त करणं योग्य होणार नाही – अशोक चव्हाण

16:00 (IST) 28 Nov 2023
बारामतीमधील दुष्काळाबाबत सुप्रिया सुळेंचे थेट मुख्यमंत्र्यांना साकडे

पुणे : जिल्ह्यातील बारामती तालुका दुष्काळी म्हणून जाहीर करण्यात आला आहे. या तालुक्यासह बारामती लोकसभा मतदारसंघातील सर्व तालुक्यांत पाणीटंचाईच्या झळा बसण्यास सुरुवात झाली आहे. त्यामुळे या तालुक्यांत पाण्याची उपलब्धता होण्यासाठी मुख्यमंत्री एकनाथ शिंदे यांनी लक्ष घालून दुष्काळी बैठक घेण्याची मागणी खासदार सुप्रिया सुळे यांनी एक्स या समाजमाध्यमावरून केली आहे. ही मागणी करताना त्यांनी पालकमंत्री अजित पवार आणि उपमुख्यमंत्री देवेंद्र फडणवीस यांनाही टॅग केले आहे.

सविस्तर वाचा…

15:51 (IST) 28 Nov 2023
बुलढाणा : सलग दुसऱ्या दिवशी अवकाळीची हजेरी, धुक्यांनी वाढविली शेतकऱ्यांची चिंता

तब्बल २९ महसूल मंडळात अतिवृष्टीची नोंद झाली तर दोन मंडळात १०० मिमी पेक्षा जास्त पाऊस झाला.

सविस्तर वाचा...

15:48 (IST) 28 Nov 2023
Marathi News Live Update: काँग्रेसनं नेहमीच तेलंगणाला विरोध केला आहे – फडणवीस

तेलंगणात मला परिवर्तनाची लाट दिसतेय. इथे भाजपाचं सरकार निवडून येईल. लोक बीआरएसच्या भ्रष्ट सरकारला कंटाळले आहेत. काँग्रेस देशात संपुष्टात येणारा पक्ष आहे हेही लोकांना माहिती आहे. शिवाय काँग्रेस नेहमीच तेलंगणाविरोधी राहिली आहे. त्यामुळे इथे भाजपा जिंकून येईल – देवेंद्र फडणवीस

https://twitter.com/Dev_Fadnavis/status/1729438679628935415

15:42 (IST) 28 Nov 2023
इन्स्टाग्रामवरचा स्वयंघोषित ‘डोंबिवलीचा किंग’ अटकेत; पोलीस अधिकाऱ्याच्या खुर्चीवर बसून काढली होती रील

इन्स्टाग्राम या समाज माध्यमावर व्हिडिओ तयार करून स्वतःला ‘डोंबिवलीचा किंग’ म्हणवून घेणाऱ्या सुरेंद्र पाटील याला ठाणे पोलिसांनी अटक केली आहे.

सविस्तर वाचा…

15:40 (IST) 28 Nov 2023
इंडिगो विमानातील आसनाचे कुशन चोरीला, प्रवासी महिलेला मनस्ताप

नागपूर : इंडिगो विमानात पुण्याहून नागपूरला येणाऱ्या एका महिलेच्या आसनाला कुशन नसल्याने मनस्ताप सहन करावा लागला. या प्रवासी महिलेचे नाव सागरिका असल्याचे समजते. गेल्या रविवारी पुण्याहून नागपूरला येणाऱ्या इंडिगो विमानाने प्रवास करण्यासाठी तिकीट बूक केले होते.

सविस्तर वाचा…

15:25 (IST) 28 Nov 2023
जळगाव : चाळीसगावजवळ खासगी प्रवासी बसला अपघात; तीन जण जखमी

जळगाव – अहमदाबादहून औरंगाबादकडे जाणाऱ्या खासगी प्रवासी बसला मंगळवारी चाळीसगाव तालुक्यातील मेहुणबारे गावानजीक अपघात झाला. चालकाचे नियंत्रण सुटल्याने बस रस्त्याच्या खाली उतरून उलटली. अपघातात तीन प्रवासी जखमी झाले.

सविस्तर वाचा…

15:17 (IST) 28 Nov 2023
Marathi News Live Update: “सरकारला आमचा इशारा आहे, शेतकऱ्याला…”

शेतकरी रडतोय. सरकारनं तिजोरीकडे बोट दाखवून हात वर करू नये. आम्ही २ तारखेपासून मराठवाडा व विदर्भातील काही जिल्ह्यांची पाहणी करणार आहोत. त्याआधी सरकारनं पंचनामे करून मदतीची घोषणा करावी. अधिवेशनाची वाट पाहण्याची गरज नाही. सरकारला आमचा इशारा आहे, शेतकऱ्याला त्वरीत मदत घोषित करा – विजय वडेट्टीवार

15:17 (IST) 28 Nov 2023
Marathi News Live Update: विजय वडेट्टीवार यांचा सरकारवर हल्लाबोल

एकीकडे अवकाळी पावसाची हवामान खात्यानं सूचना दिल्यानंतर सरकारने काय उपाय केले? अवकाळी पावसामुळे राज्यातल्या ६७६ हेक्टर जमिनीवरच्या पिकाचं नुकसान झालं आहे. अवकाळी पावसानं शेतकऱ्यांचं कंबरडं मोडलं आहे. पण सरकार मात्र तेलंगणामध्ये प्रचारात व्यग्र आहे. आता तातडीनं पंचनामे करायचे असताना सरकार मदत कधी देणार? हा प्रश्न आहे. शेतकऱ्यांचा वाली कोण? केंद्राकडून अडीच हजार कोटींच्या मदतीचं खोटं आश्वासन शेतकऱ्यांना देऊन दिशाभूल करण्याचं काम चालू आहे. २०२२ चा निधी अद्याप मिळालेला नाही. देतो म्हणायचं आणि फसवणूक करायची हा सर्रास धंदा राज्य सरकारने सुरू केला आहे – विजय वडेट्टीवार

15:14 (IST) 28 Nov 2023
अभिनेते परेश रावल यांच्या संस्थेचा नागपुरात अभिनव उपक्रम, काय घडले?

नागपूर : ज्येष्ठ अभिनेते परेश रावल यांच्या प्लएटआईम क्रिएशन या निर्मिती संस्थेतर्फे विविध चित्रपट, वेब सिरीज, मालिकांची निर्मिती केली जाते. हे करीत असताना संस्थेमार्फत सामाजिक दायित्व जपण्याचा सतत प्रयत्न केला जातो. याच प्रयत्नाचा एक भाग म्हणून संस्थेतर्फे निर्मित चित्रपट, मालिका किंवा मालिकेचे चित्रीकरण ज्या शहरात असते तिथे २०० झाडे लावली जातात.

सविस्तर वाचा…

14:57 (IST) 28 Nov 2023
वर्सोवा-विरार सागरी सेतू होऊ देणार नाही, मच्छिमार संघटनांचा एमएमआरडीएला इशारा

वर्सोवा – विरार सागरी सेतू प्रकल्पामुळे वर्सोवा – विरार किनाऱ्यालगतचे कोळीवाडे आणि येथील मच्छिमार व्यवसाय कायमस्वरूपी बाधित होणार आहेत.

सविस्तर वाचा…

14:56 (IST) 28 Nov 2023
सोलापूर : बार्शीत शिक्षक पत्नीसह मुलाचा खून करून शिक्षकाची आत्महत्या

अतुल मुंढे हे करमाळा तालुक्यातील जिल्हा परिषद शाळेत शिक्षकपदावर सेवेत होते.

सविस्तर वाचा…

14:47 (IST) 28 Nov 2023
पुणे : वैद्यकीय प्रवेशाच्या आमिषाने २७ लाखांची फसवणूक, मनसेच्या माजी नगरसेवकासह तिघांवर गुन्हा

पुणे : मुलीला अनिवासी भारतीय विद्यार्थी (एनआयए) कोट्यातून प्रवेश मिळवून देण्याचे आमिष दाखवून लष्करातील निवृत्त जवानची २७ लाख २६ हजार रुपयांची फसवणूक करण्यात आल्याचा प्रकार उघडकीस आला आहे. याबाबत निवृत्त जवानाने वारजे पोलीस ठाण्यात फिर्याद दिली आहे. त्यांनी दिलेल्या फिर्यादीनुसार जयेश शिंदे, पवन सूर्यवंशी (दोघे रा. चिखली), माजी नगरसेवक राहुल तुपेरे यांच्याविरुद्ध गुन्हा दाखल करण्यात आला आहे.

सविस्तर वाचा…

14:46 (IST) 28 Nov 2023
पिंपरी : गहुंजेत कोयता गँगची दहशत; घराच्या काचा फोडल्या

पिंपरी : किरकोळ वादातून टोळक्याने गहुंजेत धुडगूस घातला. कोयत्याने घराच्या खिडकीची काच फोडून नुकसान करत आरडा-ओरड केली. ही घटना सोमवारी सायंकाळी पाचच्या सुमारास घडली.

सविस्तर वाचा…

13:54 (IST) 28 Nov 2023
महाराष्ट्र प्रदूषणमुक्त करण्यासाठी उपमुख्यमंत्री देवेंद्र फडणवीस यांची योजना काय? जाणून घ्या…

नागपूर: प्रदूषणकारी वातावरण दूर करण्यासाठी राज्य सरकारचे प्रयत्न सुरू असून आता ‘सर्क्युलर इकानॉमी पार्क’ तयार करण्याची योजना आहे.

सविस्तर वाचा…

13:54 (IST) 28 Nov 2023
Marathi News Live Update: एवढी मुजोरी येते कुठून? – मनसे

महाराष्ट्राने दिलेल्या सुविधा, इथली सुरक्षितता, इथल्या मराठी लोकांची मानसिकता ह्यामुळेच तुमचा व्यापार-व्यवसाय बहरतोय… मग इथल्या भाषेचा, कायद्याचा, स्थानिकांचा अवमान करण्याची मुजोरी येते कुठून? – मनसे

https://twitter.com/mnsadhikrut/status/1729325350356959238

13:40 (IST) 28 Nov 2023
बुलढाणा जिल्ह्यात ३४ हजार हेक्टरवरील पिकांची हानी; शेडनेटचे मोठे नुकसान, ५२ घरांची पडझड

बुलढाणा: रविवारी रात्रभर झालेल्या अवकाळी पावसामुळे ३३ हजार ९५१ हेक्टरवरील पिकांचे अतोनात नुकसान झाल्याचा प्राथमिक अंदाज आहे.

सविस्तर वाचा…

13:26 (IST) 28 Nov 2023
बनावट डॉक्टरांच्या टोळीकडून ५० लाखांची फसवणूक, गुन्हे शाखेने अटक केलेल्या टोळीचा सहभाग असल्याचा संशय

बोरीवलीमधील ६५ वर्षीय व्यक्तीवर उपचार करण्याच्या नावाखाली बनावट डॉक्टरांच्या टोळीने ५० लाख रुपयांची फसवणूक केल्याचे उघड झाले आहे.

सविस्तर वाचा…

13:25 (IST) 28 Nov 2023
अग्निवीर प्रशिक्षण घेणाऱ्या तरूणीची आत्महत्या

अग्निवीर प्रशिक्षण घेणाऱ्या २० वर्षीय तरूणीने आत्महत्या केल्याची गंभीर घटना मालाड येथे घडली.

सविस्तर वाचा…

13:22 (IST) 28 Nov 2023
उपराजधानी ओलिचिंब! जनजीवन विस्कळीत; नागपूर शहरालगत गारपीट

नागपूर: रविवार आणि सोमवार विदर्भातील इतर शहरात गारपीटीसह मुसळधार पावसाने हजेरी लावली. मंगळवारी सकाळपासून मात्र नागपूर शहरात मुसळधार पावसाने ठाण मांडले.

सविस्तर वाचा…

13:06 (IST) 28 Nov 2023
अवकाळी पावसाने पांढरे सोने पडले काळे!

वर्धा: रात्रीपासून पावसाची सततधार शेतकऱ्यांची दैना करणारी ठरत आहे. पांढरे सोने म्हटल्या जाणाऱ्या कापसाचे आगार म्हणून जिल्ह्याची ओळख आहे. पण पावसाने ही ओळख मिटविण्याचा चंगच बांधल्याचे चित्र आहे.

सविस्तर वाचा…

12:52 (IST) 28 Nov 2023
अमरावती: सराफा व्‍यावसायिकाची घरात शिरून हत्‍या, दागिनेही लंपास

अमरावती: तिवसा येथे राहणाऱ्या एका ५५ वर्षीय सराफा व्यावसायिकाच्या घरात शिरून हत्‍या करण्‍यात आली. त्यानंतर मारेकऱ्यांनी त्याच्या घरातील सोन्याचे दागिने लंपास केले. ही घटना सोमवारी रात्री उघड झाली.

सविस्तर वाचा…

12:35 (IST) 28 Nov 2023
दिवसा रेकी, रात्री चोरी! यवतमाळ जिल्ह्यात दीड हजारांवर चोरी, घरफोडीचे गुन्हे

यवतमाळ: जिल्ह्यात सध्या चोरी, घरफोडींना उच्छाद मांडला आहे. ‘दिवसा रेकी आणि रात्री चोरी’ अशी पद्धत चोरटे वापरत असल्याने बहुतांश चोरींचा शोध घेण्यात पोलिसही अपयशी ठरत आहे.

सविस्तर वाचा…

12:24 (IST) 28 Nov 2023
‘आनंद दिघे साहेबांचा हंटर कुठेय’, मुख्यमंत्र्यांनी विचारले निर्मात्यांना, जुन्या आनंद आश्रमाच्या आठवणीत मुख्यमंत्र्यांसह सगळेच झाले रममाण

धर्मवीर -२ चित्रपटाच्या मुहूर्तासाठी आलेले मुख्यमंत्री एकनाथ शिंदे हे जुन्या आनंद आश्रमाचे नेपथ्य पाहून भारावून गेले.

सविस्तर वाचा…

12:06 (IST) 28 Nov 2023
Marathi News Live Update: रोहित पवारांचा राज्य सरकारवर हल्लाबोल

संपूर्ण राज्य दुष्काळाच्या भयाण संकटात सापडले असून देखील राज्य सरकार अद्यापही गंभीर दिसत नाही. आधी दुष्काळ जाहीर करताना केवळ चाळीस तालुके दुष्काळग्रस्त जाहीर केले, आम्ही सर्वांनी पाठपुरावा केला तेव्हा बाकी तालुके समाविष्ट केले खरे… पण नंतरच्या तालुक्यांना किती मदत मिळेल? याबाबत शासनाने काहीही स्पष्टता दिलेली नाही. आता तर त्याहून पुढे जात शासनाने कहरच केला, दुष्काळग्रस्त तालुक्यांच्या मदतीसाठी केंद्राकडे जे प्रस्ताव पाठवले जातात, ते प्रस्ताव केवळ चाळीस तालूक्यांचेच पाठवले आहेत. याचाच अर्थ उर्वरित तालुक्यांना एक रुपयाची देखील मदत मिळणार नाही. राज्य सरकारने शेतकऱ्यांना अशाप्रकारे वाऱ्यावर सोडणे योग्य नाही. त्यामुळे राज्य सरकारने केंद्र सरकारकडे संपूर्ण राज्याच्या मदतीसाठी प्रस्ताव पाठवावा व राज्यातील सर्व शेतकऱ्यांना मदत करावी. ही विनंती. – रोहित पवार

https://twitter.com/RRPSpeaks/status/1729385800784396353

12:04 (IST) 28 Nov 2023
जुन्या आनंद आश्रमाच्या आठवणीत सगळेच रमले

शिवसेनेचे दिवंगत ठाणे जिल्हा प्रमुख आनंद दिघे यांचे टेंभीनाका परिसरात कार्यालय आहे. आनंद आश्रम या नावाने हे कार्यालय ओळखले जाते.

सविस्तर वाचा…

12:03 (IST) 28 Nov 2023
ठाणे जिल्ह्याला वाढीव पाण्याची प्रतिक्षाच; बारवीचे पाणी दीड वर्ष मिळणार नाही, एमआयडीसीची स्पष्टोक्ती

बारवी पाणी पुरवठा विस्तारीकरण योजनेतील अनेक कामे सध्या सुरु आहेत.

सविस्तर वाचा…

12:02 (IST) 28 Nov 2023
अकोला जिल्ह्यात सलग दुसऱ्या दिवशी अवकाळीचा तडाखा; शेतातील उभ्या पिकांचे अतोनात नुकसान

अकोला: जिल्ह्यात वादळी वारा, विजांच्या कडकडाटासह अवकाळी पावसाचा सलग दुसऱ्या दिवशी तडाखा बसला. मध्यरात्री विजांच्या कडकडाटासह मुसळधार पाऊस कोसळला. या पावसामुळे शेतातील पिकांची अतोनात हानी झाली आहे.

सविस्तर वाचा…

12:01 (IST) 28 Nov 2023
संजय राऊत यांच्यामुळेच दिघेंना टाडा लागला- शिंदे गटाचा आरोप

धर्मवीर २ मध्ये देखील अशाच प्रकारे चुकीचा असणार असून त्याची कथा देखील चुकीची असणार असल्याचा आरोप खासदार संजय राऊत यांनी केला होता. त्याला शिवसेना राज्य समन्वयक नरेश म्हस्के यांनी प्रतिउत्तर देत राऊत यांच्यावर आरोप केले आहेत.

सविस्तर वाचा…

12:00 (IST) 28 Nov 2023
“धर्मवीर दोन”मधून २०२४ची पायाभरणी? पहिल्यातून बंडाचे निशाण, दुसऱ्यातून नेतृत्वावर शिक्कामोर्तब?

‘साहेबांच्या हिंदुत्वाची गोष्ट’ अशी टॅग लाईन या चित्रपटासाठी नक्की करण्यात आली असून या चित्रपटाचे कथानक नेमके कशावर बेतलेले असेल याच्या वेगवेगळ्या चर्चा यानिमीत्ताने सुरु झाल्या आहेत.

सविस्तर वाचा…

11:59 (IST) 28 Nov 2023
आज मुंबईतून पुण्याला जाण्याचा विचार करत असाल तर हे वाचाच…

मुंबई पुणे दृतगती मार्गावर तीन तासांचा ब्लॉक, पुणे मार्गिका दुपारी १२ ते ३ पर्यंत बंद राहणार.

सविस्तर वाचा…

11:55 (IST) 28 Nov 2023
Marathi News Live Update: मनसेचं खोचक ट्वीट!

महाराष्ट्रातील राज्यकर्त्यांनी स्वाभिमान लिलावात काढला नसता तर राज्यातून उद्योग पळवता आले नसते आणि मग महाराष्ट्राच्या कानाकोपऱ्यात उद्योगांचं ‘हार्दिक’ स्वागत करता आलं असतं. सैन्याला पुरेपूर रसद पुरवली आणि चिवटपणे बाजू लावून धरली तर गमावलेल्या गोष्टी पुन्हा कमावता येतात फक्त इच्छाशक्ती हवी. असो ! – मनसे

https://twitter.com/mnsadhikrut/status/1729372622880981269

11:50 (IST) 28 Nov 2023
Marathi News Live Update: “…तर आत्तापर्यंत सरकार कोसळलं असतं”, राहुल नार्वेकरांच्या ‘त्या’ विधानावर राऊतांचं टीकास्र!

संजय राऊत म्हणतात, “राजकीय गप्पा कमी करा असे निर्देश सर्वोच्च न्यायालयाने विधानसभा अध्यक्षांना दिले आहेत.”

वाचा सविस्तर

11:50 (IST) 28 Nov 2023
Marathi News Live Update: “युगपुरुष सोडा, तुम्ही पुरुष असता तरी…”, उपराष्ट्रपतींच्या ‘त्या’ विधानावरून राऊतांची मोदींवर टीका!

संजय राऊत म्हणाले, “२०२४ नंतर तुम्ही तुमच्या भूमिकेवर ठाम राहा. कोण युगपुरुष आहेत, कोण महापुरुष आहेत हे आपण…!”

वाचा सविस्तर

11:49 (IST) 28 Nov 2023
Marathi News Live Update: संजय राऊतांचा नार्वेकरांना टोला

हे सरकार कधीच पडलं असतं. तुम्ही बेकायदा सरकारचे संरक्षक आहात. विधानसभा अध्यक्षांना सर्वोच्च न्यायालयाने ‘राजकीय गप्पा कमी करा’ असे निर्देश दिले आहेत. तुम्ही संवैधानिक आणि निष्पक्ष पदावर बसले आहात. तिथे बसून तु्म्ही बेकायदा सरकारची वकिली करू शकत नाहीत. ज्यांनी १० वेळा स्वार्थासाठी पक्ष बदललाय, त्यांच्याकडून आपण काय अपेक्षा ठेवू शकतो? जर तिथे कुणी संविधान मानणारी व्यक्ती बसली असती, तर आत्तापर्यंत हे सरकार कोसळलं असतं. सरकार कधी जाणार हे तुम्ही आम्हाला सांगू नका. आम्हाला माहिती आहे हे सरकार कधी जाणार – संजय राऊत

Maharashtra Marathi News Live Today

महाराष्ट्र न्यूज अपडेट

Mumbai Maharashtra Breaking News: राज्यात मराठा विरुद्ध ओबीसी आरक्षणाचा मुद्दा तापला

Latest Comment
View All Comments
Post Comment

Web Title: Maharashtra news live rain update today shinde vs thackeray mla disqualification latest marathi news maratha reservation pmw

First published on: 28-11-2023 at 11:42 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×