Sudhir Tambe Suspension : सुधीर तांबेंच्या निलंबनावर नाना पटोलेंची महत्त्वाची प्रतिक्रिया, म्हणाले, “हायकमांडने…”

“सुधीर तांबे यांच्यावर काँग्रेसच्या हायकमांडने कारवाई केलेली आहे. त्यामुळे या कारवाईबाबत काय बोलावे हा त्यांचा प्रश्न आहे,” अशी प्रतिक्रिया नाना पटोले यांनी दिली आहे.

हेही वाचा >> “हसन मुश्रीफांनी जावयाला हुंडा म्हणून दरवर्षी…”, सोमय्यांचा खळबळजनक आरोप; म्हणाले, शिंदे आणि फडणवीसांनी चौकशीचं वचन दिलं

आमचा पाचही जागांवर विजय होणार

त्यांनी नाशिकमध्ये कोणत्या उमेदवाराला काँग्रेसचा पाठिंबा असेल, हे लवकरच स्पष्ट होईल, असे सांगितले. तसेच सर्व पाच जागांवर आमचा विजय होईल, असा विश्वासही त्यांनी व्यक्त केला. “नाशिक पदवीधर मतदारसंघासाठी महाविकास आघाडीकडून कोण उमेदवार असणार यावर एकमत होईल. या मतदारसंघाबाबत महाविकास आघाडीचे एकमत आहे. पाचही शिक्षक-पदवीधर मतदारसंघांमध्ये महाविकास आघाडीचा मोठा विजय होईल. त्यासाठी आम्ही रणनीती आखली आहे,” असे नाना पटोले म्हणाले.

हेही वाचा >> Urfi Javed Dress : उर्फी जावेद वादावर शर्मिला ठाकरेंची प्रतिक्रिया; म्हणाल्या, “मी…”

डॉ. सुधीर तांबे यांचे निलंबन

पक्षविरोधी भूमिका घेऊन शिस्त मोडल्याने सुधीर तांबे यांच्यावर निलंबनाची कारवाई करण्यात आली आहे. काँग्रेसचे अध्यक्ष मल्लिकार्जुन खरगे तसेच सोनिया गांधी यांच्या मान्यतेने शिस्तपाल समितीने ही कारवाई करण्यात आली आहे. त्यांच्याविरोधात चौकशी प्रलंबित असल्याचे सांगण्यात आले आहे.

हेही वाचा >>Nashik Graduate Constituency Election : सत्यजित तांबेंना निलंबित करण्याची सूचना; राजकीय घडामोडींना वेग!

दरम्यान, सुधीर तांबे यांनी या निलंबनावर नाराजी व्यक्त केली आहे. मी लहानपणापासून काँग्रेस पक्षाचा निष्ठावान कार्यकर्ता आहे. मला कारवाईबाबत समजलं. मात्र, या प्रकरणाची चौकशी होईपर्यंत मला काहीही बोलायचं नाही,” अशी प्रतिक्रिया सुधीर तांबे यांनी दिली.