Raj Thackeray Uttar Sabha Thane Live Updates : राज ठाकरेंनी मनसेच्या गुढी पाडवा मेळाव्यामधून राज्यातील सत्ताधारी महाविकास आघाडीवर टीकास्त्र सोडलं होतं. आघाडीतील शिवसेना, राष्ट्रवादी काँग्रेस आणि काँग्रेस या तिन्ही पक्षांवर त्यांनी तोंडसुख घेतलं. शरद पवारांवर देखील त्यांनी निशाणा साधला होता. तसेच, या सभेतून त्यांनी मशिदींवरील भोंगे न काढल्यास त्यांच्यासमोर लाऊडस्पीकरवर हनुमान चालीसा लावण्याचं आवाहन केलं होतं. या पार्श्वभूमीवर त्यांनी भाजपाला फायदेशीर भूमिका घेतलीये का? मनसे भाजपाची बी टीम आहे का? अशी टीका केली जाऊ लागली होती. या सर्व मुद्द्यांना राज ठाकरे आज उत्तर देणार असल्यामुळेच या सभेला 'उत्तरसभा' असं नाव मनसेकडून देण्यात आलं आहे.
