Suresh Dhas: बीड जिल्ह्याची करुण कहाणी सांगताना सुरेश धसांकडून करुणा मुंडेंचा उल्लेख; म्हणाले, “तिची तर…”

हे वाचा >> Prajakta Mali: प्राजक्ता माळीचं नाव का घेतलं? सुरेश धस यांनी केलं स्पष्ट; तक्रारीच्या मुद्द्यावर म्हणाले…

करुणाचे खूप हाल झाले

धनंजय मुंडे यांचे निकटवर्तीय मानले जाणारे वाल्मिक कराड हेदेखील संतोष देशमुख हत्या प्रकरणातील आरोपी असल्याचे विधान मोर्चामधील अनेक नेत्यांनी केले. सुरेश धस यांनी वाल्मिक कराड यांची जिल्ह्यात दहशत असून खंडणी उकळण्याचे आणि ती त्यांच्या आकापर्यंत पोहोचवण्याचे काम केले जात असल्याचा आरोप केला. यावेळी ते म्हणाले, “ही आमच्या बीड जिल्ह्याची करुण कहाणी आहे. मी करुणा कहाणी नाही म्हणत नाही. तिची तर कहाणी वेगळीच आहे. मी फक्त करुण कहाणी म्हणतोय. करुणा तर माझी माय माऊली पहिली बायको आहे. तिचे खूप हाल चालले आहेत. मला याबाबत अधिकचे काही बोलायचे नाही.”

हे वाचा >> Bajrang Sonwane : “संतोष देशमुख यांच्या कुटुंबाला न्याय मिळाला नाही तर…”, बजरंग सोनवणे यांचा मोठा इशारा

धनंजय मुंडेंचे मंत्रीपद काढून घ्या

सर्वपक्षीय मोर्चात धनंजय मुंडे यांच्याच पक्षाचे आमदार प्रकाश सोळंकेही सामील झाले होते. संतोष देशमुख प्रकरणाचा निकाल लागेपर्यंत आणि आरोपीला फाशीची शिक्षा होत नाही तोपर्यंत मुंडेंचे मंत्रिपद काढून घ्यावे, अशी मागणी प्रकाश सोळंके यांनी केली. गेल्या पाच वर्षांत धनंजय मुंडे हेच पालकमंत्री होते. तेव्हा पंकजा मुंडे यांनी म्हटलं होतं की धनंजय मुंडे यांनी पालकमंत्री पद भाड्याने दिले. ते वाल्मिक कराड यांनाच भाड्याने दिले होते. त्यांनी या माध्यमातून बीड जिल्ह्यात जरब बसविली, असाही आरोप प्रकाश सोळंके यांनी केला.