सावंतवाडी : सिंधुदुर्ग जिल्ह्याचे पोलीस अधीक्षक सौरभकुमार अग्रवाल यांची पुणे येथे गुन्हे अन्वेषण विभाग, पुणे येथे बदली झाली आहे. गेल्या काही दिवसांपासून रजेवर असलेले अग्रवाल बदलीच्या हालचाली करत असल्याची चर्चा होती, अखेर त्यांच्या बदलीवर शिक्कामोर्तब झाले आहे. त्यांच्या जागी आता ठाणे शहराचे पोलीस उपायुक्त मोहन दहीकर सिंधुदुर्ग जिल्ह्याचे नवीन पोलीस अधीक्षक म्हणून सूत्रे हाती घेणार आहेत.
सौरभकुमार अग्रवाल हे गेल्या काही दिवसांपासून रजेवर होते, त्यामुळे त्यांच्या बदलीची चर्चा जिल्ह्याच्या पोलीस दलात आणि सामान्य नागरिकांमध्येही मोठ्या प्रमाणावर सुरू होती. आता ही चर्चा खरी ठरली असून, त्यांची पुणे येथील महत्त्वाच्या गुन्हे अन्वेषण विभागात बदली झाली आहे.
त्यांच्या रिक्त झालेल्या जागेवर ठाणे शहराचे पोलीस उपायुक्त मोहन दहीकर यांची नियुक्ती करण्यात आली आहे. मोहन दहीकर लवकरच सिंधुदुर्ग जिल्ह्याच्या पोलीस अधीक्षक पदाचा कार्यभार स्वीकारणार आहेत. त्यांच्या नियुक्तीमुळे जिल्ह्यातील कायदा आणि सुव्यवस्था अधिक बळकट होईल, अशी अपेक्षा व्यक्त केली जात आहे.
