बारामती लोकसभा मतदारसंघात पवार विरुद्ध पवार असा थेट सामना पाहायला मिळत आहे. सुनेत्रा पवार व सुप्रिया सुळे यांच्यातील ही लढत दोन्ही बाजूंनी प्रतिष्ठेची करण्यात आली आहे. एकीकडे बारामतीमध्ये आज दोन्ही उमेदवार अर्ज दाखल करत असताना त्याआधी दोन्ही बाजूंनी झालेली टीका-टिप्पणी चर्चेचा विषय ठरत आहे. एकीकडे अजित पवारांनी बारामतीच्या विद्यमान खासदार अर्थात सुप्रिया सुळेंवर विकासनिधीच्या बाबतीत टीका केली असताना आता सुप्रिया सुळेंनीही त्यावर प्रत्युत्तर दिलं आहे.

बारामतीची लढाई अधिक आव्हानात्मक झाली?

घरातल्याच उमेवार सुनेत्रा पवार यांच्यामुळे बारामतीतलं आव्हान अधिक खडतर झालंय का? असा प्रश्न सुप्रिया सुळेंनी विचारला असता त्यावर त्यांनी सविस्तर उत्तर दिलं. “ही माझ्यासाठी वैयक्तिक लढाई नाहीये. माझी लढाई वैचारिक आहे. केंद्र सरकार व महाराष्ट्र सरकारच्या चुकीच्या धोरणांविरोधात आहे. त्यामुळे समोर कोण लढतंय, याचा मी फारसा विचार करतच नाही. मी कधीच कुणावर वैयक्तिक टीका करत नाही. माझ्यावर हे संस्कारच नाहीयेत”, असं सुप्रिया सुळे म्हणाल्या.

pune porsche car accident
पुणे पोर्श कार अपघात प्रकरण : अंजली दमानियांनी अजित पवारांना विचारले पाच प्रश्न; म्हणाल्या “शुल्लक गोष्टींवर…”
devendra fadnavis on rahul gandhi video
“रिक्षा किंवा टॅक्सीचालकांना निबंध लिहायला का लावत नाही?” म्हणणाऱ्या राहुल गांधींना देवेंद्र फडणवीसांचं प्रत्युत्तर; म्हणाले…
Gajanan Kirtikar Eknath Shinde (1)
“त्यांनी शिंदेंना सलाम ठोकणं मला पटलं नाही”, पत्नीच्या वक्तव्यावर गजानन कीर्तिकर म्हणाले, “माझ्यावर…”
Narendra Modi
“…तर मला फाशी द्या”, अदाणी-अंबानी मुद्द्यावरून मोदींचं थेट आव्हान; म्हणाले, “संपत्ती निर्माण करणाऱ्यांचा…”
Prakash Ambedkar on Ujjwal Nikam
करकरे, साळसकर यांच्या हत्येबाबत नवे प्रश्न; प्रकाश आंबडेकरांचे उज्ज्वल निकम यांना आव्हान, म्हणाले…
supriya sule ajit pawar latest news
“दमदाटी करणाऱ्यांना विनम्रपणे सांगायचंय की…”, सुप्रिया सुळेंचा टोला; अजित पवारांना प्रत्युत्तर!
AJit Pawar vs Supriya Sule
“मी त्यांचा मुलगा नसल्याने संधी मिळाली नाही”, अजित पवारांच्या वक्तव्यावर सुप्रिया सुळे म्हणाल्या, “माझी कारकीर्द…”
MLA Dattatray Bharne first reaction On Viral video
कार्यकर्त्याला शिवीगाळ केल्याच्या व्हिडीओवर दत्तात्रय भरणेंचं स्पष्टीकरण; म्हणाले, “तो कार्यकर्ता नव्हता तर…”

अजित पवारांचं ‘ते’ विधान!

दरम्यान, अजित पवारांनी बारामतीमध्ये “आमच्या नावासमोरची बटणं कचाकच दाबा, म्हणजे तुम्हाला विकासनिधी द्यायला आम्हालाही बरं वाटेल, नाहीतर आम्ही हात आखडता घेऊ”, असं मिश्किल विधान केलं होतं. यावरून मोठा वाद निर्माण झाल्यानंतर त्यांनी त्यावर स्पष्टीकरणही दिलं. यासंदर्भात सुप्रिया सुळेंना विचारणा केली असता त्या म्हणाल्या, “यावर माझं एकच उत्तर, रामकृष्ण हरी वाजवा तुतारी”!

“निधी पाहिजे तर कचाकचा बटणं दाबा”, वादग्रस्त विधानानंतर अजित पवारांचं स्पष्टीकरण; म्हणाले “सुशिक्षित वर्गाची…”

“…तर अजित पवारही मला मतदान करतील”

दरम्यान, सुनेत्रा पवार यांच्या उमेदवारीनंतरही अजित पवार आपल्याला मतदान करतील, असा दावा सुप्रिया सुळेंनी केला आहे. “विद्यमान खासदारांनी बारामतीमध्ये विकासनिधी आणला नाही”, असा आरोप अजित पवार यांनी केला होता. त्यावर सुप्रिया सुळे म्हणाल्या, “कदाचित माझा मराठीतला कार्य अहवाल वाचला नसावा. मी आजच माझा अहवाल त्यांना पाठवून देईन. त्यांनी यासाठी थोडासा जरी वेळ काढला तर उद्या सकाळी ते मेरीटवर मलाच मतदान करतील”!

“मी देवेंद्र फडणवीसांचे आभार मानते की…”

दरम्यान, यावेळी सुप्रिया सुळेंनी देवेंद्र फडणवीसांनाही टोला लगावला आहे. “शरद पवारही आमच्याकडे येणार होते पण ऐनवेळी त्यांनी निर्णय बदलला”, असा दावा फडणवीसांनी केला आहे. त्यावर सुप्रिया सुळेंनी उत्तर दिलं. “मी देवेंद्र फडणवीसांचे मन:पूर्वक आभार मानते. ते एक गोष्ट कबूल करतात. काश्मीर ते कन्याकुमारी ज्यांची सत्ता आहे, त्यांना शरद पवार किंवा आमच्या कुणाही विरोधात षडयंत्र करण्याशिवाय दुसरा कुठला पर्यायच नव्हता. ते खरं बोलले यासाठी मी त्यांचे आभार मानते”, असं त्या म्हणाल्या.