अजय देवगणचा 'तान्हाजी : द अनसंग वॉरिअर' हा चित्रपट १० जानेवारी रोजी प्रेक्षकांच्या भेटीला आला. प्रदर्शित झाल्यापासून हा चित्रपट बॉक्स ऑफिसचा गड राखून आहे. या चित्रपटाने केवळ १८ दिवसांमध्ये २३० कोटी रुपयाची कमाई केली. त्यामुळे हा चित्रपट लवकरच २५० कोटींच्या घरात पोहोचेल असं दिसून येतंय. या चित्रपटाच्या यशानंतर आता अजय त्याच्या आगामी 'मैदान' चित्रपटाकडे वळला आहे. या चित्रपटाचं नवीन पोस्टर नुकतंच प्रदर्शित झालं आहे. विशेष म्हणजे हे पोस्टर अभिनेता अनिल कपूर यांनी शेअर केलं आहे. प्रदर्शित झालेल्या पोस्टरमध्ये अजय एका सामान्य माणसाच्या रुपात दिसत असून त्याच्या एका हातात छत्री आणि बॅग आहे. परंतु या वेशातही तो फुटबॉल खेळताना दिसत आहे. हे पोस्टर अजयने शेअर केलं आहे. इतकंच नाही तर अजयने पोस्टर शेअर केल्यानंतर अनिल कपूर यांनीही ते शेअर करत एक भन्नाट कॅप्शन दिलं. वाचा : तापसीनं घडवली अद्दल; स्पर्श करण्याचा प्रयत्न करणाऱ्याचं मोडलं बोट "बदलाव लाने के लिए एक अकेला भी काफी होता हैं", असं कॅप्शन अनिल कपूर यांनी हे पोस्टर शेअर करत दिलं आहे. त्यामुळे त्यांची ही पोस्ट अनेकांचं लक्ष वेधून घेत आहेत. Badlav lane ke liye ek akela bhi kafi hota hai #Maidaan @Ajaydevgn @Priyamani6 @raogajraj @boneykapoor @iAmitRSharma @freshlimefilms @saiwynQ @actorrudranil @writish @saregamaglobal @zeestudios_ @zeestudiosint @BayViewProjOffl @MaidaanOfficial pic.twitter.com/XGdXAlg6tv — Anil Kapoor (@AnilKapoor) January 30, 2020 वाचा : कपिल शर्मा एका एपिसोडसाठी घेतो इतकं मानधन; आकडा ऐकाल तर व्हाल थक्क दरम्यान, 'मैदान' हा चित्रपट फुटबॉल प्रशिक्षक सय्यद अब्दुल रहीम यांच्या जीवनावर आधारित आहे. या चित्रपटाचं दिग्दर्शन अमित रविंद्रनाथ शर्मा करत असून निर्मिती बोनी कपूर करत आहेत. झी स्टुडिओअंतर्गत या चित्रपटाची निर्मिती करण्यात येत आहे. या चित्रपटात अजय देवगण व्यतिरिक्त प्रियामणी, गजराव आणि बोमण इराणीदेखील आहेत. 'मैदान' २७ नोव्हेंबर २०२० रोजी प्रेक्षकांच्या भेटीला येणार आहे.