03 August 2020

News Flash

सुशांतची एक्स मॅनेजर दिशा सालियनच्या कुटुंबीयांची बिहार पोलीस करणार चौकशी

सुशांतच्या सर्व कॉल्सचे रेकॉर्ड ट्रॅक करत असल्याची माहिती बिहार पोलिसांनी दिली.

दिशा सालियन, सुशांत सिंह राजपूत

बॉलिवूड अभिनेता सुशांत सिंह राजपूतच्या आत्महत्या प्रकरणाचा तपास मुंबई पोलिसांसोबतच आता बिहार पोलीस देखील करत आहेत. सुशांतचे वडील के. के. सिंह यांनी अभिनेत्री रिया चक्रवर्तीविरोधात पाटणा पोलिसांत तक्रार दाखल केली. त्यांच्या तक्रारीवरून रियाविरोधात गुन्हा दाखल करण्यात आला. त्यामुळे बिहार पोलीस सुशांतच्या आत्महत्येप्रकरणी तपास करत आहेत. आता याप्रकरणी बिहार पोलीस सुशांतची एक्स मॅनेजर दिशा सालियन हिच्या कुटुंबीयांचीही चौकशी करणार आहे. सुशांतच्या आत्महत्येच्या काही दिवसांपूर्वीच दिशाने आत्महत्या केली होती.

दिशा सालियनच्या कुटुंबीयांशी फोनवरून संपर्क साधण्याचा प्रयत्न केला. मात्र त्यांच्याशी अद्याप कोणताही संपर्क होऊ शकला नसल्याची माहिती बिहार पोलिसांनी दिली. सुशांतने आत्महत्येच्या दोन-तीन महिन्यांपूर्वी बरेच सिमकार्ड्स बदलले होते. मात्र त्याने वापरलेले हे सिमकार्ड्स त्याच्या नावावर नव्हते. त्यातील एक सिमकार्ड सुशांतचा मित्र सिद्धार्थ पिठानीच्या नावावर आहे. सुशांतच्या सर्व कॉल्सचे रेकॉर्ड ट्रॅक करत असल्याची माहिती बिहार पोलिसांनी दिली.

आणखी वाचा : “म्हणून मी सुशांतच्या अंत्यविधीला गेले नव्हते”; अंकिता लोखंडेने सांगितलं कारण

सुशांत आत्महत्या प्रकरणात पाटणाचे पोलीस अधीक्षक विनय तिवारी हे बिहार पोलिसांच्या पथकाचे नेतृत्व करणार आहेत. यासाठी विनय तिवारी बिहारहून मुंबईला येणार आहेत. दरम्यान बिहारचे डीजीपी गुप्तेश्वर पांडे यांनी सीबीआय चौकशीची गरज नसल्याचं म्हटलं आहे. सुशांतला न्याय देण्यासाठी आम्ही समर्थ आहोत असं ते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 2, 2020 3:57 pm

Web Title: bihar police to interrogate the family of sushant singh rajput former manager disha salian ssv 92
Next Stories
1 अभिनेत्रीच्या इन्स्टा लाइव्हमध्ये युजवेंद्र चहलची कमेंट
2 ६०० बॅकग्राऊंड डान्सरसाठी जॅकी भगनानीच्या मदतीचा हात
3 ‘सुशांतच्या मृत्यूला जबाबदार असलेली व्यक्ती पोलिसांच्या संपर्कात’; तनुश्री दत्ताचा मुंबई पोलिसांवर अविश्वास
Just Now!
X