बॉलीवूड बिग बी अमिताभ बच्चन यांना कोणी सोशल साइट्सवरून ब्लॉक करण्याचा विचार तरी करू शकतं का? अहो तसं कोणी त्यांना ब्लॉक केलेलं तर नाहीच. पण, अमिताभ आणि अनुष्कामध्ये खोडकर असे ट्विटरवॉर आज पाहायला मिळाले. झाले असे की, अभिनेत्री अनुष्का शर्माने आपल्या ट्विटर अकाउंटवरून काहीजणांना ब्लॉक करायचे ठरवले आहे. अनुष्काला तिच्या आजूबाजूला सकारात्मकता शक्ती हवी आहे. त्यामुळे ट्विटरवर वायफळ बडबड करणा-यांना तिने ब्लॉक करायचे ठरविले आहे. तसे ट्विट तिने करताच, अमिताभ बच्चन यांनी एक वायफळ ट्विट करत अनुष्काला म्हटले, आता मला ब्लॉक करण्याची हिंमत तर करून बघ.


या ट्विटमुळे अमिताभ यांचा मस्तीभरा अंदाज ट्विटरकरांना पुन्हा एकदा पाहावयास मिळाला.