14 August 2020

News Flash

‘एक महानायक बी. आर. आंबेडकर’ मालिकेतील कलाकाराला करोनाची लागण; थांबवलं शूटिंग

फिल्मसिटी गोरेगाव इथे या मालिकेची शूटिंग झाली.

प्रतिकात्मक छायाचित्र

मालिकांच्या शूटिंगला सुरुवात झाली असली तरी सेटवर करोनाचा धोका कायम आहे. ‘एक महानायक बी. आर. आंबेडकर’ या मालिकेच्या सेटवरील एका कलाकाराला करोनाची लागण झाली आहे. यानंतर ताबडतोब मालिकेचं शूटिंग थांबवण्यात आलं आहे. ‘एबीपी माझा’ने यासंदर्भातील वृत्त दिलं आहे.

अँड टीव्हीवर ही हिंदी मालिका प्रसारित केली जाते. दादासाहेब फाळके चित्रनगरी अर्थात फिल्मसिटी गोरेगाव इथे या मालिकेच्या शूटिंगला सुरुवात झाली. रविवारी या मालिकेतील कलाकार जगन्नाथ निवंगुणे यांना करोना झाल्याचं निदान झालं. मालिकेत बाबासाहेबांच्या वडिलांची भूमिका ते साकारतात. जगन्नाथ यांच्यावर सध्या वरळी येथील रुग्णालयात उपचार सुरू असून ते सुखरुप आहेत.

निवंगुणे यांचा करोना रिपोर्ट पॉझिटिव्ह आल्यानंतर मालिकेचं चित्रीकरण थांबवण्यात आलं. त्यांनी कोणतीच लक्षणे जाणवत नव्हती. त्यामुळे मालिकेच्या सेटवरही तणावाचं वातावरण आहे. निवंगुणे यांच्या संपर्कात आलेल्यांचीही करोना चाचणी करण्यात येत आहे.

याआधी शूटिंगदरम्यान तेलुगू टीव्ही अभिनेत्री नव्या स्वामी हिला करोनाची लागण झाल्याचं वृत्त समोर आलं होतं. जवळपास तीन महिने करोनाच्या प्रादुर्भावामुळे शूटिंग बंद होतं. आता काही अटीशर्तींवर हे शूटिंग सुरु केलं असलं तरी करोनाचं आव्हान कलाकारांसमोर आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 7, 2020 12:16 pm

Web Title: ek mahanayak b r ambedkar actor tested positive for coronavirus ssv 92
Next Stories
1 “माझा बॉयफ्रेंड ३० फेब्रुवारीसारखा”; उर्वशी रौतेलाने दिलं लग्नाच्या ‘त्या’ फोटोवर स्पष्टीकरण
2 कोरिओग्राफर सरोज खान यांच्या आयुष्यावर येणार बायोपिक?
3 “कमाल आर. खानला अनफॉलो करा”; दिग्दर्शकाची अमिताभ बच्चन यांना विनंती
Just Now!
X