01 October 2020

News Flash

Photo : वयाच्या ४० व्या वर्षी ‘ही’ अभिनेत्री करणार दुसऱ्यांदा लग्न

या अभिनेत्रीचा होणारा नवरा १० वर्षांच्या मुलाचा पितादेखील आहे

काम्या पंजाबी

छोट्या पडद्यावरील प्रसिद्ध खलनायिका म्हणून ओळखली जाणारी अभिनेत्री म्हणजे काम्या पंजाबी. ‘बिग बॉस’, ‘क्यु होता है प्यार’, ‘बनू मैं तेरी दुल्हन’, ‘कहता हैं दिल’ अशा विविध मालिकांमुळे लोकप्रिय झालेली काम्या लवकरच दुसऱ्यांदा लग्नगाठ बांधणार आहे. एका वृत्तवाहिनीशी बोलताना काम्याने स्वत: ही माहिती दिली. ४० वर्षीय काम्या पुढील वर्षी २०२०मध्ये प्रियकर शलभ डांगसोबत लग्न करणार आहे. शलभ दिल्ली स्थित असून त्याला एक १० वर्षांचा मुलगा आहे.

“आरोग्यविषयक काही समस्या असल्यामुळे माझ्या एका मित्राने मला शलभ याच्याशी संपर्क करण्यास सांगितलं होतं. त्याच्या सांगण्यानुसार मी शलभला कॉल केला. त्यानंतर जवळपास दिड महिना आम्ही कॉन्टॅक्टमध्ये होतो. यादरम्यान शलभने मला लग्नाची मागणी घातली. या काळात पुन्हा लग्न करणं हा माझ्यासाठी खूप मोठा निर्णय होता. त्यामुळे मी काही काळ वेळ मागून घेतला”, असं काम्या म्हणाली.

 

View this post on Instagram

 

Posted @withrepost@panjabikamya Blessed

A post shared by Shalabh Dang (@shalabhdang) on

पुढे ती म्हणते, “पहिलं लग्न अयशस्वी ठरल्यानंतर मी लग्न, प्रेम या साऱ्याचा विचार करणं सोडून दिलं होतं. एक वेळ अशी होती जेव्हा मी पुन्हा लग्न करण्याच्या विरोधात होते. मात्र शलभमुळे माझा गेलेला आत्मविश्वास मला पुन्हा मिळाला आणि मी पुन्हा प्रेमात पडले. एक किशोरवयीन मुलगी जसं आपल्या प्रियकरावर प्रेम करते, तसंच प्रेम मी शलभवर करते”.

दरम्यान, काम्याने २००३ मध्ये व्यावसायिक बंटी नेगी याच्यासोबत लग्न केलं होतं. मात्र त्याचं नातं फार काळ टिकलं नाही. २०१३ मध्ये या दोघांनी विभक्त होण्याचा निर्णय घेतला. त्यानंतर आता काम्या २०२० मध्ये शलभसोबत लग्न करणार आहे. शलभला १० वर्षांचा मुलगा आहे. तर काम्याला ९ वर्षांची मुलगी आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 13, 2019 4:35 pm

Web Title: kamya punjabi is all set to get married next year ssj 93
Next Stories
1 गुगल ट्रेण्डमध्येही रानू मंडल यांची लता मंगेशकरांशी स्पर्धा
2 अरे हा तर तैमुरच! अभिनेत्रीचा फोटो पाहून नेटकरी झाले अवाक्
3 गौरी खानने डिझाइन केला होता शाहरुखचा गाजलेला ‘बाजीगर’ लूक
Just Now!
X