सध्या सोशल मीडियावर अभिनेत्री सारा अली खान आणि वरुण धवनचा आगामी चित्रपट ‘कुली नं. १’ चर्चेत आहे. हा चित्रपट लवकरच ओटीटी प्लॅटफॉर्मवर प्रदर्शित होणार असल्याचे म्हटले जात आहे. आता या चित्रपटावर नेटकऱ्यांनी मीम्सचा पाऊस पडला आहे.

अभिनेता सुशांत सिंह राजपूतच्या आत्महत्येनंतर सोशल मीडियावर घराणेशाही हा वाद पेटून उठला. यूजर्सनी स्टारकिड्सला ट्रोल करण्यास सुरुवात केली. दरम्यान आलिया भट्टचा ‘सडक २’ या चित्रपटाचा ट्रेलर प्रदर्शित झाला. प्रदर्शनाच्या २४ तासांमध्ये तो यूट्यूबवर सर्वाधिक डिसलाइक मिळालेला ट्रेलर ठरला आहे. आता स्टारकिड सारा अली खानचा कुली नं. १ हा चित्रपट प्रदर्शित होणार हे कळताच मीम्स तयार करुन साराल ट्रोल करण्यास सुरुवात केली आहे. या मीम्समध्ये त्यांनी डिसलाइक करण्याविषयी म्हटले आहे.

‘कुली नंबर १’ या चित्रपटाचे दिग्दर्शन प्रसिद्ध दिग्दर्शक डेविड धवनने केले आहे. चित्रपटाचे चित्रीकरण जवळपास पूर्ण झाले आहे. या चित्रपटात वरुण धवन आणि सारा अली खान मुख्य भूमिकेत दिसणार आहेत. तसेच हा चित्रपट आता ओटीटी प्लॅटफॉर्मवर प्रदर्शित होणार असल्याचे म्हटले जात आहे. पण घराणेशाही या वादमुळे सारा आणि वरुणला सोशल मीडियावर ट्रोल केले जात आहे.