जीव झाला येडापिसा मालिकेतील कथानकात बर्‍याच घटना बघायला मिळत आहेत. आत्याबाईंनी शिवाशी धरलेला अबोला कायम आहे. तर मालिकेमध्ये चंपा नावाचे नवे पात्र आल्याने एक वेगळीच कलाटणी मिळणार आहे असे दिसून येत आहे. चंपा आत्याबाईंची बहीण आहे असे तिने सगळ्यांना सांगितले आहे. त्यांच्याबद्दलच्या अनेक गोष्टी चंपाला माहिती आहेत. शिवा चंपाला आत्याबाईंच्या घरी घेऊन येतो तेव्हा मात्र त्यांच्या तोंडचं पाणी पळतं. हे सगळं घडत असतानाच शिवाच्या सोबतीने संपूर्ण कुटुंब सिद्धीला एक गोड सरप्राईझ देणार आहेत. लष्करे कुटुंबात लाडक्या सिद्धीचा वाढदिवस थाटामाटात साजरा होणार आहे.

शिवा चंपाला लष्करेंच्या घरी आणतो तेव्हा सगळ्यांनाच प्रश्न पडतो की ही बाई नक्की कोण आहे? आणि तिचा आत्याबाईंशी नक्की काय संबंध आहे? पण जेव्हा सिद्धी या विषयाच्या खोलात जाते तेव्हा शिवा तिला बजावून सांगतो की आत्याबाई ते बघून घेतील. आपला याच्याशी काही एक संबंध नाही.

चंपाचे अचानक रुद्रायतमध्ये येण्याचे कारण काय आहे? यामागे नक्की कोणतं गूढ आहे? हे गूढ सिध्दीला कळेल का? या प्रश्नांची उत्तरं प्रेक्षकांना मालिकेच्या पुढच्या भागात मिळतील. ही मालिका रात्री ८.०० वाजता कलर्स मराठी वाहिनीवर पाहायला मिळेल.