15 July 2020

News Flash

‘सायकलवरुन तुला खास भेटायला येईन’; सोनूचे आभार मानण्यासाठी बिहारमधील व्यक्तीची इच्छा

सोनू सूदचं मदतकार्य पाहून अनेक जण भारावले आहेत

सोनू सूद

गेल्या कित्येक दिवसापासून अभिनेता सोनू सूद मजुरांच्या मदतीसाठी उभा ठाकला आहे. लॉकडाउनचा चौथा टप्पा सुरु झाला आहे,तरीदेखील एकही दिवस सुट्टी न घेता सोनू सूद आणि त्याची टीम सतत मदतकार्य करत आहे. आतापर्यंत सोनूने हजारोंच्या मजुरांना त्यांच्या घरी सुखरुप पोहोचवलं आहे. त्यामुळे अनेकांसाठी हिरो झालेल्या सोनू सूदचे प्रत्येक जण आभार मानत आहे. यामध्येच बिहारच्या एका मुलाने लॉकडाउन संपल्यानंतर खास सायकलवरुन बिहार -मुंबई असा प्रवास करुन भेटायला येईल असं सांगितलं आहे.

सोनू सूद करत असलेलं मदतकार्य पाहून अनेक जण भारावले आहेत. त्यातच मुजफ्फरपूरमधील धीरज कुमार याने ट्विट करत सोनूला भेटण्याची इच्छा व्यक्त केली आहे. विशेष म्हणजे त्याने मुजफ्फरपूर ते मुंबई असा प्रवास थेट सायकलवरुन करणार असल्याचं म्हटलं आहे. धीरज कुमारचं हे ट्विट पाहिल्यानंतर सोनूने त्याला लगेच रिप्लाय दिला आहे.

“आता सायकल आणि पायी प्रवास करण्याचे दिवस गेले मित्रा. आता मीच तिकडे येईन आणि तू मला तुझ्या सायकलवर बसवून पूर्ण मुजफ्फरपूर फिरव”, असा रिप्लाय सोनूने धीरजा दिला. दरम्यान, सोनूचं हे उत्तर वाचून अनेकांनी त्यांचं कौतूक केलं आहे. एक सेलिब्रिटी असूनही तो सामान्य नागरिकांमध्ये त्यांच्यातलाच एक होऊन राहतो असं अनेकांनी म्हटलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 30, 2020 10:10 am

Web Title: sonu sood to visit bihar to meet migrant worker ssj 93
टॅग Coronavirus
Next Stories
1 स्थलांतरित मजुरांना मदत करणाऱ्या सोनू सूदची एकूण संपत्ती माहितीये का?
2 Video : स्थलांतरितांना घरी पोहोचवण्याचं काम कधीपर्यंत सुरू ठेवणार? सोनू सूद म्हणतो..
3 हिरो नव्हे सुपरहिरो; केरळमध्ये अडकलेल्या महिलांना सोनू सूदने केली अशी मदत
Just Now!
X