30 September 2020

News Flash

नाना पाटेकर म्हणजे दुसरा आसाराम बापू- तनुश्री दत्ता

‘नाम’ फाऊंडेशनच्या माध्यमातून भ्रष्टाचार केल्याचा तनुश्रीचा आरोप

नाना पाटेकर, तनुश्री दत्ता

नाना पाटेकर म्हणजे दुसरा आसाराम बापू अशा शब्दांत अभिनेत्री तनुश्री दत्ताने टीका केली आहे. #MeToo मोहिमेअंतर्गत नाना पाटेकरांवर तनुश्रीने लैंगिक गैरवर्तणुकीचे आरोप केले होते. याप्रकरणी काही गोष्टींचा खुलासा करण्यासाठी तिने तिच्या वकिलासोबत पत्रकार परिषद घेतली. या पत्रकार परिषदेत तिने नानांवर बरेच आरोप केले. नाना पाटेकर यांचे वकील निलेश पावसकर यांनी दबाव टाकल्याचाही आरोप तनुश्रीने केला.

“नाना पाटेकर यांचे वकील निलेश पावसकर यांनी सर्व पुरावे नष्ट केले आहेत. त्यांनी २००५ सालापासून नाना पाटेकर यांच्यावरील अनेक लैंगिक शोषणाची प्रकरणे रद्द केल्या आहेत. नाना पाटेकर यांनी त्यावेळी मनसेच्या गुंडांना बोलावून सेटवर गोंधळ घातला होता. त्यानंतर कोरिओग्राफर गणेश आचार्यने माझं करिअर उध्वस्त केलं,” असे आरोप तनुश्रीने केले.

‘नाम’ फाऊंडेशनच्या माध्यमातून भ्रष्टाचार केल्याचा आरोप

या पत्रकार परिषदेत तनुश्रीने नाना पाटेकर यांच्या नाम फाऊंडेशनवरही गंभीर आरोप केले. “नाना पाटेकर यांनी नाम फाऊंडेशनच्या नावावर कोट्यवधींचा भ्रष्टाचार केला. त्यांनी या संस्थेच्या नावाचा वापर करून परदेशातून कोट्यवधींच्या देणग्या घेतल्या. हा पैसा कुठे जातो? गरीबांना वर्षातून एकदा साड्या वाटायच्या आणि फोटो काढायचा की यांचं काम झालं. ते कोल्हापूर पूरग्रस्तांना ५०० घरं देणार होते, त्याचं काय झालं? हे कोणी जाऊन बघितलं?”, असे प्रश्न तिने उपस्थित केले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 7, 2020 4:56 pm

Web Title: tanushree dutta called asaram bapu to nana patekar in press conference ssv 92
Next Stories
1 काश्मिरी पंडितांवरील अत्याचार ३० वर्षांनी पडद्यावर, पाहा ‘शिकारा’चा ट्रेलर
2 ‘या’ व्यक्तीचं नाव घेताच चिन्मयी सुमीतच्या डोळ्यात तरळलं पाणी
3 ‘हा’ ठरला वर्षातील सर्वोत्कृष्ट अभिनेता
Just Now!
X