Video : ‘मलम पिथा’ गाण्यावर शाळकरी मुलांसह थिरकली कतरिना, व्हिडीओ व्हायरल

दाक्षिणात्य अभिनेता थलापथी विजयच्या ‘मलम पिथा’ या लोकप्रिय गाण्यावर कतरिना व्हिडीमध्ये डान्स करत आहे. शाळेतील मुलांसह या गाण्याच्या हूक स्टेप करताना ती दिसत आहे. तर दुसऱ्या एका व्हिडीओमध्ये ती ‘जॉली जिमखाना’ गाण्यावर थिरकताना दिसत आहे. तामिळनाडूमधील ‘माउंटन व्ह्यू स्कूल’मधील कर्मचारी आणि मुलांबरोबर डान्स करतानाचे हे व्हिडीओ कतरिनाच्या चाहत्यांनी शेअर केले असून सोशल मीडियवर व्हायरल होत आहे.

हेही वाचा >> Viral Video मुळे फेमस झाला अन् अहमदनगरच्या शाळकरी मुलाला अजय-अतुलने दिली थेट चित्रपटात गाण्याची संधी

हेही वाचा >> “ती माझ्या आयुष्यात आली आणि…”, अभिनेता संतोष जुवेकरची पोस्ट चर्चेत

कतरिनाची आई सुझैन यांनी २०१५ साली गरजू विद्यार्थ्यांसाठी तामिळनाडूत टमाउंटन व्ह्यू स्कूलट ही शाळा सुरू केली होती. याच शाळेच्या एका कार्यक्रमादरम्यान कतरिना शाळेतील मुलांसह दाक्षिणात्य गाण्यांवर थिरकताना दिसली.

हेही वाचा >> “लोकलमध्ये मी नेलपेंट, लिपस्टिक विकायचे अन्…”, विशाखा सुभेदारने शेअर केल्या खडतर प्रवासातील आठवणी

कतरिनाने डिसेंबर २०२१ मध्ये बॉलिवूड अभिनेता विकी कौशलसह लग्नगाठ बांधत नव्या आयुष्याला सुरुवात केली. विकी-कतरिना ही जोडी बॉलिवूडमधील लोकप्रिय जोडींपैकी एक आहे. कतरिना लवकरच ‘फोन बुथ’ चित्रपटातून प्रेक्षकांच्या भेटीला येणार आहे. याबरोबरच बॉलिवूड अभिनेता सलमान खानच्या ‘टायगर ३’ चित्रपटातही ती दिसणार आहे.