अल्लू अर्जुनने पहिला शाहरुख खानचा ‘जवान’, प्रतिक्रिया देत अभिनेता म्हणाला, “चित्रपटाचे निर्माते…”

जवान चित्रपटगृहात जबरदस्त कामगिरी करत आहे. या चित्रपटाचे सगळे शो हाऊसफुल होत आहेत. या चित्रपटाला प्रेक्षकांनी अक्षरशः डोक्यावर घेतलं आहे. हा चित्रपट पाहिल्यावर सर्वजण सोशल मिडियावर प्रतिक्रिया देत आहेत. तर आता अल्लू अर्जुन देखील हा चित्रपट पाहून फिदा झाला आहे.

आणखी वाचा : ओटीटीवर शाहरुख खान व नयनताराचा ‘हा’ अंदाज येणार समोर? ‘जवान’मधून डिलीट केलेले सीन्स लीक

हा चित्रपट पाहिल्यावर त्यांनी एक पोस्ट शेअर केली आहे लिहिलं, “या शानदार ब्लॉकबस्टरसाठी जवानच्या संपूर्ण टीमचं अभिनंदन. जवानचे निर्माते, तंत्रज्ञ, क्रू आणि संपूर्ण कलाकारांचे अभिनंदन. शाहरुख खानच्या जबरदस्थ अवताराने आणि त्याच्या पलीकडेही त्याच्या स्वॅगने संपूर्ण देशाला मोहित केलं आहे. खरंच खूप आनंद झाला तुमच्यासाठी सर.”

हेही वाचा : “शाहरुख खान आणि ॲटली यांनी जबरदस्तीने…”, ‘जवान’मधील कलाकाराचा मोठा खुलासा

पुढे त्याने लिहिलं, “विजय सेतुपती, तुम्ही नेहमीप्रमाणेच तुमच्या भूमिकेत चमकत आहात. दीपिका पदुकोणची मोहक, प्रभावी भूमिका… नयनतारा तर राष्ट्रीय स्तरावर चमकली. अनिरुद्ध, संपूर्ण देश तुझं संगीत पुन्हा पून्हा ऐकत आहे. अतिशय विचारपूर्वक व्यावसायिक चित्रपट देऊन भारतीय बॉक्स ऑफिसवर इतिहास रचल्याबद्दल आणि आम्हा सर्वांना अभिमान वाटावा अशी कामगिरी केल्याबद्दल ॲटली यांचं खूप खूप अभिनंदन.”