scorecardresearch

Premium

“मी त्याच्याबरोबर बसून…”, घटस्फोटाच्या १३ वर्षांनी प्रसिद्ध अभिनेत्रीने व्यक्त केली पूर्वाश्रमीच्या पतीला भेटायची इच्छा

११ वर्षांनी मोडलेला संसार; आता १३ वर्षांनी अभिनेत्री म्हणते, “माझे अपयशी लग्न हे…”

aditi govitrikar talks about divorce
अदिती गोवित्रीकर (फोटो इन्स्टाग्राम)

मॉडेल-अभिनेत्री आदिती गोवित्रीकरचा तिचा पूर्वाश्रमीचा पती मुफ्फझल लकडावालापासून घटस्फोट होऊन १३ वर्षे झाली आहेत. पण ती आताही त्या घटस्फोटाच्या आठवणींमधून सावरू शकलेली नाही. या जोडप्याने १९९८ मध्ये लग्न केलं होतं आणि २००९ मध्ये त्यांचे ११ वर्षांचे वैवाहिक जीवन संपुष्टात आले. त्यांना एक मुलगी आणि एक मुलगा आहे. दोघांचे पालनपोषण अदितीने एकटीने केले.

एका मुलाखतीत तिच्या घटस्फोटाबद्दल बोलताना अदिती म्हणाली, “माझे अपयशी लग्न हे माझ्या आयुष्यातील सर्वात कठीण टप्प्यांपैकी एक आहे. मला जिंकायला आवडतं. लहानपणापासून मला जिंकायचं होतं, मला वर्गात पहिलं यायचं होतं, मला फियर फॅक्टर जिंकायचे होते, मला बिग बॉस जिंकायचे होते. त्यामुळे माझं लग्न मोडलंय हे पचवणं माझ्यासाठी खूप कठीण होतं. माझ्याबरोबर असं का घडलं? हेच विचार मला यायचे.”

11 year old boy created a mosaic art of Shree Ram
Viral video : रुबिक्स क्यूबच्या मदतीने साकारले प्रभू श्रीराम! पाहा ११ वर्षांच्या या मुलाची अद्भुत कला…
Loksatta lokrang Popular actor Piyush Mishra on the stage of Loksatta Gappa
अभिनय ही गांभीर्यानं करण्याची बाब!
Trigrahi Yog
३० वर्षांनी ‘त्रिग्रही योग’ बनल्याने २० फेब्रुवारीपासून ‘या’ राशींचे चांगले दिवस सुरु? शनिदेवाच्या कृपेने घरात येऊ शकतो बक्कळ पैसा
salman khan met fan who recovered from cancer
९ वर्षांच्या चाहत्याने कॅन्सरवर मात केल्यानंतर सलमान खानने दिलेलं वचन केलं पूर्ण; मुलाची आई म्हणाली, “त्याच्या मेंदूमध्ये गाठ…”

“आमची रोज भांडणं होतात”, ऐश्वर्या रायने केलेला खुलासा; अभिषेक बच्चन म्हणालेला, “आयुष्य खूप…”

“माझीही कुठेतरी चूक झाली असावी, याची जाणीव मला झाली, कारण टाळी एका हाताने वाजत नाही,” असं ती म्हणाली. “माझी इच्छा आहे की एखाद्या दिवशी मी त्याच्याबरोबर (पूर्वाश्रमीचा पती) बसून घटस्फोटाबद्दल बोलेन. कारण कधीकधी भांडणानंतर आपल्याला तो विषय कुठेतरी संपवणं गरजेचं असतं. आमच्यात एकमेकांना न सांगितल्या गेलेल्या अनेक गोष्टी आहेत, त्यामुळे कदाचित कधीतरी आम्ही बोलू. आम्ही बोलून विषय संपवणं हे फक्त आम्हा दोघांसाठीच नाही तर मुलांसाठीही चांगलं होईल. आता १३ वर्षे झाली आहेत, पण तुम्ही तुमचा भूतकाळ विसरू शकत नाही. आठवणी तुम्हाला भूतकाळात गुंतवून ठेवतात,” असं अदिती म्हणाली.

वडिलांचा खून, आईलाही गमावलं; मुलगी IAS झाली अन् ३१ वर्षांनी…

सध्या तिची दोन मुलं त्यांच्या वडिलांच्या संपर्कात आहेत, पण त्यांना तिने एकटीने मोठं केलं. “त्यांना एकटं वाढवणं खूप कठीण होतं. माझं बालपण खूप आनंदी होतं. माझे आईवडील आमच्यासाठी एकत्र निर्णय घेत असत. मुलांनी सहलीला जायचे की नाही या गोष्टीही ते एकत्र ठरवायचे, पण मला मात्र सर्व काही एकटीला ठरवावं लागायचं. मला आई आणि वडील दोन्ही भूमिका कराव्या लागल्या. कामासाठी मुलांना माझ्या आई किंवा बहिणीकडे सोडल्याबद्दल मला अपराधीपणाची भावना मनात यायची,” असं अदितीने सांगितलं.

कास्टिंग काउचबद्दल अदितीचा खुलासा

या मुलाखतीत घडलेला प्रकार सांगत अदिती म्हणाली, “मी एका मोठ्या चित्रपटाच्या शूटिंगसाठी दक्षिण आफ्रिकेला गेले होते. आणि तरीही मला समजलं नाही की ती व्यक्ती मला तडजोड करण्यास सांगत आहे. आणि मी त्याच्या तोंडावर हसले आणि तिथून निघून गेले. तू वेडा आहेस का की मूर्ख आहेस? असं काही तरी बोलून मी निघून गेले आणि यामुळे त्याचा अहंकार दुखावला गेला. त्याने दुसऱ्या दिवशी मला आणि माझ्या टीमला पॅकअप करून मुंबईला परत पाठवलं. मला तर समजलंही नाही की नेमकं काय घडलंय. कालांतराने माझ्या लक्षात आलं की हे सगळं का घडलं, मी तडजोड करायला नकार दिल्यामुळेच मला चित्रपटातून काढून टाकण्यात आलं होतं,” असं अदितीने सांगितलं.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Aditi govitrikar talks about her divorce with muffazal lakdawala hrc

First published on: 05-12-2023 at 15:11 IST

संबंधित बातम्या

तुम्ही या बातम्या वाचल्या आहेत का? ×