‘बेशरम रंग’ या गाण्यामुळे शाहरुख खान आणि दीपिका पदुकोण यांचा ‘पठाण’ चित्रपट वादाच्या भोवऱ्यात सापडला आहे. एकीकडे दीपिकाने या गाण्यामध्ये घातलेल्या भगव्या रंगाच्या बिकिनीवरून तिच्यावर टीकेची झोड उठली आहे. दीपिकाने परिधान केलेल्या बिकिनीवरून देशभरात राजकीय वातावरण तापलेलं दिसत आहे. आता याच वादावर प्रसिद्ध अभिनेत्री , गायिकेने भाष्य केलं आहे.
शाहरुख खानच्या ‘कभी हा कभी ना’ या चित्रपटातून प्रसिद्धीच्या झोतात आलेली अभिनेत्री सुचित्रा कृष्णमूर्तीने आपल्या ट्वीटरवरून संताप व्यक्त केला आहे. तिने पोस्टमध्ये लिहले आहे, “रंग बेशरम असू शकत नाहीत लोकांचे हेतू बेशरम असतात,” अशा शब्दात तिने आपली प्रतिक्रिया दिली आहे.
दरम्यान ‘बेशरम रंग’ या गाण्यावरून सुरू असलेल्या या वादावर यशराज फिल्मकडून कोणतंही अधिकृत स्पष्टीकरण देण्यात आलेलं नाही. ‘पठाण’ हा एक अॅक्शन थ्रीलर चित्रपट आहे. या चित्रपटाचं दिग्दर्शन सिद्धार्थ आनंद यांनी केलं आहे. या चित्रपटात शाहरुख खानबरोबरच दीपिका पदुकोण आणि जॉन अब्राहम यांच्या महत्त्वपूर्ण भूमिका आहेत. येत्या २५ जानेवारीला हा चित्रपट प्रेक्षकांच्या भेटीला येणार आहे.
