“आमच्यासाठी हे….”; शबाना आझमी व वडील धर्मेंद्र यांच्या किसिंग सीनवर ईशाची प्रतिक्रिया, म्हणाली “पापा स्वभावाने…”

हेही वाचा- “मला डिस्लेक्सिया होता…” ‘गदर २’ स्टार सनी देओलचा मोठा खुलासा

८७ वर्षीय धर्मेंद्र यांनी ‘रॉकी और रानी की प्रेम कहानी’ या चित्रपटात शबाना आझमी यांच्याबरोबर किसिंग सीन दिला आहे. त्याबाबत बोलताना ईशा देओल म्हणाली, “प्रेम किंवा चुंबनासाठी वय लागतं असे कोण म्हणाले? पापा स्वभावाने खूप रोमँटिक आहेत. ते त्यांची शायरी आणि कविता सगळं करतात. आम्हाला याबद्दल कोणतीही कल्पना नव्हती. आमच्यासाठी हे एक आश्चर्यच होतं. आणि ते खूप गोड होते आणि ते दोघेही व्यावसायिक कलाकार आहेत.” शबाना आझमींबाबत बोलताना ईशा म्हणाली, “शबाना जी अप्रतिम आहेत, आणि जया आंटी यांच्यासाठी माझ्या मनात एक सॉफ्ट कॉर्नर आहे. करण जोहर अप्रतिम आहे. हा चित्रपट सुंदरपणे चित्रित करण्यात आला असून ते सर्व दिग्गज कलाकार आहेत.”

धर्मेंद्र आणि शबाना आझमी यांच्या किसिंग सीनबाबत हेमा मालिनी यांनीही प्रतिक्रिया दिली होती. हेमा मालिनी म्हणाल्या, “धरमजी आणि शबाना आझमी यांचा किसिंग सीन मी अजुन पाहिलेला नाही. लोकांना हा चित्रपट आवडेल याची मला खात्री आहे. मी धरमजींसाठी खूप आनंदी आहे कारण त्यांना नेहमी कॅमेरासमोर राहणं आवडतं.”

हेही वाचा- Video: एका मिनिटाचं १ कोटी मानधन, उर्वशी रौतेलाच्या दाव्यावर नेटकऱ्यांना हसू आवरेना; म्हणाले, “ताई तुम्ही मंगळावर जा अन्…”

दरम्यान, शबाना व धर्मेंद्र यांचा किसिंग सीन पाहून नेटकऱ्यांनी टीकाही केली होती. त्यानंतर धर्मेंद्र यांची प्रतिक्रिया समोर आली होती. “माझ्या आणि शबानाच्या किसिंग सीनमुळे प्रेक्षक नाराज झाल्याचं मी ऐकलं आहे. तर काही लोकांनी याचे कौतुकही केले आहे. मला वाटतं की लोकांना असं काही पाहायला मिळेल अशी अपेक्षा नव्हती. गेल्या वेळी मी ‘लाइफ इन अ मेट्रो’मध्ये नफिसा अलीबरोबरही किसिंग सीन दिला होता. त्यावेळी लोकांनी त्याचे कौतुक केले होते,” असं धर्मेंद्र म्हणाले.