मुंबईतील होर्डिंग दुर्घटनेत कार्तिक आर्यनच्या मामा-मामीचा मृत्यू, तीन दिवसांनी पटली मृतदेहांची ओळख

कार्तिक आर्यनचे मामा मनोज चांसोरिया हे मुंबईतील विमानतळाचे माजी संचालक होते. त्याच्या मामीचं नाव अनिता चांसोरिया होतं. मनोज चांसोरिया यांनी मुंबईच्या एटीसीमध्ये काम केले होते. वर्षभरापूर्वीच निवृत्त झाल्यानंतर ते पत्नीसह जबलपूरला राहायचे. दोघेही कारने मुंबईला आले होते, त्यांचं व्हिसाशी संबंधित काम होतं, असं म्हटलं जातंय. त्यांचा मुलगा यश अमेरिकेला राहतो. त्यामुळे अमेरिकेला जाण्यासाठी ते व्हिसाच्या कामासाठी मुंबईला आले होते. मुंबईहून जबलपूरला परत जात असताना पेट्रोल पंपावर ते पेट्रोल भरण्यासाठी थांबले आणि त्याचवेळी होर्डिंग कोसळले.

इंधनासाठी पेट्रोल पंपावर थांबले अन् तेवढ्यात होर्डिंग कोसळलं; दाम्पत्याचा मृत्यू

सोमवारी (१३ मे रोजी) दुपारी वादळी वाऱ्यामुळे घाटकोपरमध्ये होर्डिंग कोसळले, तेव्हापासून चांसोरिया यांचा फोन बंद झाला होता. त्यांचा मुलगा अमेरिकेतून फोन करत होता, मात्र काहीच प्रतिसाद मिळत नव्हता. मग त्यांच्या मुलाने मुंबईतील मित्रांना याबाबत माहिती दिली आणि चांसोरिया यांचा शोध घेण्याची विनंती केली. मित्रांनीही तात्काळ बेपत्ता असल्याची तक्रार दाखल करत शोध सुरू केला. पोलिसांनी चांसोरिया यांचा फोन ट्रॅक केला असता त्यांचे शेवटचे लोकेशन घाटकोपरच्या पेट्रोल पंपावर दाखविण्यात आले. त्यांची गाडी आत अडकली होती, त्यामुळे मृतदेह सर्वात शेवटी सापडले.

“प्रियांका चोप्रा आणि मला नेहमीच…”, घटस्फोटानंतर देसी गर्लच्या जाऊबाईचं वक्तव्य; म्हणाली, “जोनास ब्रदर्स…”

मनोज चांसोरियांची गाडी होर्डिंगखाली अडकल्याची माहिती मिळताच त्यांचा मुलगा यश याने अमेरिकेहून मुंबई गाठली. पोलिसांना घटनास्थळी ढिगाऱ्याखाली दोन मृतदेह सापडले होते, मात्र तीन दिवस उलटून गेल्याने मृतदेहाची ओळख पटू शकत नव्हती. शेवटी यशने अंगठीवरून आई-वडिलांना ओळखलं आणि गुरुवारीच त्यांच्यावर अंत्यसंस्कार करण्यात आले. मामा -मामीच्या अंत्यसंस्काराला कार्तिक आर्यनदेखील गेला होता, अशी माहिती समोर आली आहे.