अजय देवगणच्या ‘शैतान’ चित्रपटाची झाली दणक्यात सुरुवात; तीन दिवसांत कमावले तब्बल ‘इतके’ कोटी

काळी जादू, वशीकरण यावर आधारित असलेला हॉरर आणि थ्रिलर ‘शैतान’ चित्रपट प्रेक्षकांच्या पसंतीस उतरला आहे आणि याचा प्रतिसाद बॉक्स ऑफिसवर पाहायला मिळतोय. ‘शैतान’ चित्रपटाने या तीन दिवसांत ५० कोटींपेक्षा जास्तीची कमाई केली आहे.

आणखी वाचा

‘दि ए आय धर्मा स्टोरी’चे २५ ऑक्टोबरला प्रदर्शन

Bigg Boss 18 : गुणरत्न सदावर्तेंची शोमध्ये एन्ट्री,…

कादंबरीवर आधारित ‘फुलवंती’

पुनःप्रदर्शित चित्रपटांची दोन महिन्यांत ५० कोटींची उलाढाल

Devara Public Review: प्रेक्षकांना कसा वाटला ‘देवरा: पार्ट १’चित्रपट? प्रतिक्रिया देत म्हणाले, “दिग्दर्शन खूपच….”

‘रीगल’मध्ये इटालियन चित्रपटांचा महोत्सव; रसिकांना विनामूल्य पाहण्याची संधि

तेजस्विनी पंडितच्या ‘येक नंबर’ चित्रपटाचे १० ऑक्टोबरला प्रदर्शन

‘फुलवंती’ लवकरच प्रेक्षकांच्या भेटीला

हेही वाचा… अक्षय कुमार आणि टायगर श्रॉफ चेहरा लपवत आले माध्यमांसमोर; नेटकरी म्हणाले, “असं कामच का…”

अजय देवगण आणि आर माधवनचा ‘शैतान’ हा ‘वश’ या गुजराती चित्रपटाचा रीमेक आहे. ‘वश’ १० फेब्रुवारी २०२३ रोजी प्रदर्शित झाला होता, परंतु हा चित्रपट मोठ्या प्रमाणात लोकांपर्यंत पोहोचू शकला नाही. ‘वश’ चित्रपटात प्रमुख भूमिका साकारणाऱ्या जानकी बोडीवालाने ‘शैतान’मध्येसुद्धा आपल्या अभिनयाचा ठसा उमटवला आहे.

शक्रवारी प्रदर्शित झालेल्या या चित्रपटाने तीन दिवसांत बॉक्स ऑफिसवर चांगली कमाई केली आहे. सॅकनिल्कच्या माहितीनुसार, रविवारी ‘शैतान’ चित्रपटाने २० कोटींच्या घरात कमाई केली. पहिल्याच दिवशी या चित्रपटाने १४.७५ कोटी कमावले होते, तर दुसऱ्या दिवशी १८.७५ कोटी या चित्रपटाने आपल्या नावावर केले. या संपूर्ण तीन दिवसांमध्ये ‘शैतान’ने ५३.५० कोटींची कमाई केली आहे. ६० ते ६५ कोटींचे बजेट असलेला हा चित्रपट लवकरच आपली कमाई पूर्ण करण्याची शक्यता आहे.

हेही वाचा… हिरवा चुडा, मेहेंदीने रंगलेले हात… पूजा सावंतने शेअर केले हनिमूनचे फोटो; म्हणाली, “अजूनही…”

दरम्यान, ‘शैतान’ चित्रपटाबद्दल सांगायचं झाल्यास, हा चित्रपट काळी जादू, वशीकरण आणि अंधविश्वासावर आधारित आहे. अजय देवगणने या चित्रपटात पित्याची भूमिका साकारली आहे, तर आर माधवन वनराज नावाच्या खलनायकाच्या भूमिकेत दिसला आहे. ‘शैतान’ चित्रपटात ज्योतिका सदाना-सर्वणन, जानकी बोडीवाला, अंगद राज यांच्याही मुख्य भूमिका आहेत.