‘मिस्टर इंडिया’दरम्यान अनिल व बोनी कपूर होते चिंताग्रस्त; शेखर कपूर म्हणाले, “त्यांच्या कुटुंबाचा पैसा…”

हा चित्रपट बॉक्स ऑफिसवर यशस्वी होईल की नाही याची चिंता अनिल कपूर यांना सतावत होती. या चित्रपटाचे लेखन सलीम-जावेद यांनी केले होते तर बोनी कपूर व सूरींदर कपूर यांनी याची निर्मिती केली होती. शेखर कपूर यांचाही हा दिग्दर्शक म्हणून दूसराच चित्रपट होता. १९८३ च्या ‘मासूम’ या चित्रपटाचं दिग्दर्शन शेखर कपूर यांनी केलं होतं ज्याला जबरदस्त प्रतिसाद मिळाला होता.

आणखी वाचा : कार्तिक आर्यनला भेटायला चाहत्याने सायकलवर केला ११६० कीमी प्रवास; अभिनेत्याची ‘ही’ कृती चर्चेत

‘टीआरएस पॉडकास्ट’ या यूट्यूब चॅनलला दिलेल्या मुलाखतीमध्ये नुकताच शेखर कपूर यांनी या गोष्टींचा खुलासा केला आहे. अनिल व बोनी हे चिंताग्रस्त होते कारण त्यांच्या संपूर्ण कुटुंबाचा पैसा या चित्रपटावर लागला होता. शेखर कपूर म्हणाले, “चित्रपट जेव्हा सुरू झाला अन् प्रदर्शनासाठी सज्ज झाला तेव्हासुद्धा अनिल चांगलाच घाबरलेला होता. तो आणि बोनी कपूर प्रचंड घाबरतात. त्यांच्या संपूर्ण कुटुंबाचा पैसा यावर लागला होता, अन् चित्रपट चालला नसता तर त्यांचे संपूर्ण कुटुंब उद्ध्वस्त झाले असते.”

परंतु घडलं विपरीतच, चित्रपट बॉक्स ऑफिसवर जबरदस्त हीट ठरला. इतका की आजही प्रेक्षक या चित्रपटाची आवर्जून आठवण काढतात. श्रीदेवी व अनिल कपूर यांची केमिस्ट्री लोकांना पसंत पडली. त्या दोघांवर चित्रित झालेलं ‘कांटे नहीं कटते’ हे गाणं चांगलंच गाजलं. खासकरून चित्रपटातील छोट्या मुलांचे काम लोकांना पसंत पडले, अन् सर्वात महत्त्वाचं म्हणजे गब्बर सिंह नंतर बॉलिवूडला त्यांचा आणखी एक आयकॉनिक व्हिलन मिळाला तो म्हणजे मोगॅम्बो. अमरिष पुरी यांनी ही भूमिका साकारली होती. हा चित्रपट सुपरहीट ठरला आणि अनिल कपूर व बोनी कपूर यांच्या चिंता कायमची मिटली.