२९ वर्षांपूर्वी सुष्मिता सेनने जिंकला होता 'मिस युनिव्हर्स'चा ताज; खास फोटो शेअर करत अभिनेत्री म्हणाली... sushmita-sen-celebrates-29-years-of-her-miss-universe-win-actress-share-emotional-note

आजच्याच दिवशी २९ वर्षांपूर्वी सुष्मिता सेनने ४२ व्या मिस युनिव्हर्स स्पर्धा जिंकली होती.

सुष्मिता सेन

बॉलीवूड अभिनेत्री सुष्मिता सेन सध्या चांगलीच चर्चेत आहे. आपल्या अभिनयाच्या माध्यमातून तिने चाहत्यांच्या हृदयात स्वतःसाठी वेगळे स्थान निर्माण केले आहे. ‘मिस युनिव्हर्स’ बनणारी ती पहिली भारतीय महिला होती. आज २१ मे हा दिवस सुष्मिताच्या आयुष्यातील एक खास दिवस आहे. कारण २९ वर्षांपूर्वी आजच्याच तारखेला सुष्मिता सेनने ‘मिस युनिव्हर्स’चा किताब जिंकला होता. २१ मे १९९४ रोजी मनिला येथे सुष्मिता सेनने मिस युनिव्हर्सचा ताज जिंकला होता. या खास दिवसानिमित्त सुष्मिताने एक जुना फोटो शेअर करत एक खास नोट लिहिली आहे.

हेही वाचा- “सारखा सारखा एकच ड्रेस परिधान करतेस…,” ट्रोलरच्या कमेंटला बिग बींच्या नातीने दिलं चोख उत्तर; नव्या म्हणाली…

सुष्मिताने फोटो शेअर करत लिहिले, “हा फोटो २९ वर्षे जुना आहे, फोटोग्राफर प्रबुद्ध दास गुप्ता यांनी हा फोटो शूट केला आहे. या चित्रात त्याने एका १८ वर्षांच्या मुलीला सुंदरपणे कॅप्चर केले आहे. एकदा हसत हसत तो म्हणाला, ‘मी शूट केलेली तू पहिली मिस युनिव्हर्स आहेस याची तुला जाणीव आहे?’ मी अभिमानाने म्हणाले, खरंच माझ्याकडे भारताची पहिली मिस युनिव्हर्स आहे.”

View this post on Instagram

A post shared by Sushmita Sen (@sushmitasen47)

सुष्मिताने तिच्या पोस्टमध्ये पुढे लिहिले, “माझ्या देशासाठी प्रतिनिधित्व करण्याचा आणि जिंकण्याचा बहुमान आणि भावना इतकी खोल आहे की, आजही ते आठवताना आनंदाश्रू येतात. २९ वर्षांनंतर! मी हा दिवस मोठ्या अभिमानाने साजरा करते आणि लक्षात ठेवते, कारण इतिहास साक्षी आहे, भारताने २१ मे १९९४ रोजी मनिला #फिलीपिन्स येथे पहिल्यांदा मिस युनिव्हर्स स्पर्धा जिंकली.” सुष्मिताच्या या पोस्टवर अनेक चाहते कमेंट करताना दिसत आहेत. चाहत्यांसोबतच सेलेब्रिटीही अभिनेत्रीच्या पोस्टवर कमेंट करत तिचे अभिनंदन करत आहेत.

हेही वाचा- शरद केळकरने सांगितला ‘आदिपुरुष’च्या हिंदी डबिंगचा अनुभव, म्हणाला “दिग्दर्शकाला पहिल्या दिवसापासून…”

This quiz is AI-generated and for edutainment purposes only.

सुश्मिता सेनच्या वर्कफ्रंटबद्दल बोलायचे झाले तर, आगामी काळात ती ‘आर्य ३’ या वेबसीरिजमध्ये दिसणार आहे. सध्या सुश्मिता सेन ‘आर्य ३’मुळे खूप चर्चेत आहे. या वेबसीरिजच्या मागील दोन सीझनमध्ये तिने आपल्या अभिनयातून सर्वांची मने जिंकली होती. लवकरच सुश्मिता सेनचा ‘आर्य ३’ OTT प्लॅटफॉर्म डिस्ने प्लस हॉटस्टारवर प्रदर्शित होणार आहे.

First published on: 21-05-2023 at 13:07 IST

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sushmita sen celebrates 29 years of her miss universe win actress share emotional note dpj

२९ वर्षांपूर्वी सुष्मिता सेनने जिंकला होता ‘मिस युनिव्हर्स’चा ताज; खास फोटो शेअर करत अभिनेत्री म्हणाली…

आजच्याच दिवशी २९ वर्षांपूर्वी सुष्मिता सेनने ४२ व्या मिस युनिव्हर्स स्पर्धा जिंकली होती.