Coldplay Concert: पारंपरिक पोशाख परिधान करून ख्रिस-डेकोटाने घेतले बाबुलनाथ मंदिरात दर्शन, अभिनेत्रीची ‘ती’ कृती चर्चेत

ख्रिस मार्टिन हॉलीवूड अभिनेत्री डकोटा जॉन्सनला डेट करत आहे. कोल्डप्लेच्या या कॉन्सर्टसाठी डकोटा ख्रिसबरोबर आली आहे. दोघांचा मुंबई विमानतळावरील व्हिडीओ चांगलाच व्हायरल झाला होता. त्यानंतर आता त्यांचा मंदिरातील व्हिडीओ चर्चेत आहे. ख्रिस व डकोटा दोघेही श्री बाबुलनाथ मंदिरात दर्शनाला गेले, त्यांचे मंदिरातील व्हिडीओ समोर आले आहेत.

हेही वाचा – “मालिका कलाकारांची अवस्था भिकाऱ्यासारखी…”, मराठी अभिनेत्याने सांगितली विदारक परिस्थिती; मुख्यमंत्र्यांना म्हणाला, “९० दिवसानंतर मिळणारं पेमेंट…”

४७ वर्षांचा ख्रिस पारंपरिक निळा कुर्ता घालून मंदिरात गेला होता, तर डकोटाने देखील पारंपरिक प्रिंटेड कुर्ता घातला होता. दोघांच्या पोशाखात भारतीय संस्कृतीची झलक पाहायला मिळाली. यावेळी ख्रिसने गळ्यात रुद्राक्षाची माळ घातली होती, तर ३५ वर्षीय डकोटाने तिच्या डोक्यावर ओढणी घेतली होती.

हेही वाचा – ढसाढसा रडत निक्की तांबोळी म्हणाली, “मी खूश नाही”; अभिनेत्री उषा नाडकर्णी यांनाही अश्रू अनावर, व्हिडीओ व्हायरल

पाहा व्हिडीओ –

एका व्हिडीओमध्ये, डकोटा तिची इच्छा नंदीच्या कानात तिची इच्छा व्यक्त करताना दिसतेय. नंदीच्या कानात मनातील इच्छा सांगणं ही महादेवाच्या मंदिरात प्रार्थना करण्याची पारंपरिक पद्धत आहे.

ख्रिसबरोबर डकोटा भारतात आल्याने या दोघांचं ब्रेकअप झाल्याच्या चर्चांना पूर्णविराम मिळाला आहे. दोघेही २०१७ पासून एकमेकांना डेट करत आहेत, पण २०२४ मध्ये त्यांचं ब्रेकअप झालंय, अशा बातम्या येत होत्या. पण कोल्डप्लेच्या कॉन्सर्टसाठी ख्रिसबरोबर डकोटा भारतात आली, त्यामुळे त्यांच्या नात्याबद्दल होणाऱ्या चर्चा या फक्त अफवा असल्याचं स्पष्ट झालं आहे.

हेही वाचा – “किती वेळ लागेल”, जखमी सैफ अली खानने रिक्षा चालकाला विचारलेला प्रश्न; म्हणाला, “खूप रक्तस्त्राव…”

कोल्डप्ले हा ब्रिटिश बँड आहे. ते त्यांच्या ‘म्युझिक ऑफ द स्फीयर्स वर्ल्ड टूर’ अंतर्गत नवी मुंबईतील डी. वाय. पाटील स्टेडियममध्ये १८, १९ आणि २१ जानेवारी २०२५ रोजी तीन शो करणार आहे. त्यांचा चौथा शो गुजरातमधील अहमदाबाद येथे नरेंद्र मोदी स्टेडियमवर २५ जानेवारी २०२५ रोजी होईल.