बॉलिवूड अभिनेत्री आलिया भट्ट (Alia Bhatt) ही लोकप्रिय अभिनेत्रींपैकी एक आहे. आलिया काही दिवसांपासून तिच्या आणि रणबीरच्या लग्नामुळे चर्चेत होती. तिच्या लग्नाच्या आधी आलिया गंगूबाई काठियावाडी (Gangubai Kathiawadi) या चित्रपटाने मोठ्या पडद्यावर सगळ्यांची मने जिंकली होती. लवकरच हा चित्रपट प्रेक्षकांना ओटीटी प्लॅट फॉर्मवर पाहायला मिळणार आहे.
आलियाच्या नुकत्याच आलेल्या ‘गंगूबाई काठियावाडी’ या चित्रपटाने बॉक्स ऑफिसवर चांगलीच धुमाकूळ घातला होता. २५ फेब्रुवारी रोजी हा चित्रपट प्रदर्शित झाला. या चित्रपटाने आतापर्यंत जवळपास १३० कोटींची कमाई केली आहे. मात्र, ‘गंगूबाई काठियावाडी’नंतर ‘द काश्मीर फाइल्स’ आणि त्यानंतर ‘आरआरआर’ या चित्रपटाने चित्रपटाच्या कमाईला ब्रेक लावला. पण या चित्रपटात आलियाच्या अभिनयाचे खूप कौतुक झाले.
आणखी वाचा : भर गर्दीत बाबा सिद्दीकींनी सलमान खानला हात धरून खेचले, आणि..; पाहा हा Viral Video
आणखी वाचा : सई ताम्हणकर आणि ललित प्रभाकरच्या ‘Pet Puran’ ट्रेलर प्रदर्शित, पाहिलात का?
चित्रपटगृहांनंतर, चाहत्यांना हा चित्रपट OTT वरही पाहायचा होता. आता हा चित्रपट अखेर नेटफ्लिक्सवर प्रदर्शित होत आहे. २६ एप्रिल रोजी हा चित्रपट तुम्हाला नेटफ्लिक्सवर पाहता येणार आहे. एक टिझर शेअर करत नेटफ्लिक्सने ही माहिती दिली आहे.
या चित्रपटाचे दिग्दर्शन संजय लीला भन्साळी यांनी केले आहे. या चित्रपटात आलिया भट्टशिवाय अजय देवगण (Ajay Devgn) आणि शंतनू मुखर्जी देखील होते. पत्रकाराची भूमिका करणारा जिम सरभही होता. हा चित्रपट खऱ्या कथेपासून प्रेरित होता. ही कथा गंगूबाई काठियावाडीची होती. ज्यांनी जागतिकतेशी संबंधित महिलांच्या बाजूने बोलले आणि त्यांच्यासाठी काम केले. या महिलांच्या हक्कासाठी त्या पंतप्रधानांपर्यंत कशा पोहोचतात हे चित्रपटात दाखवण्यात आले आहे.
