‘खुलता कळी खुलेना’, ‘तू तेव्हा तशी’, ‘तुला पाहता रे’ या मालिकांमुळे अभिनेत्री अभिज्ञा भावे घराघरांत लोकप्रिय झाली. तिने मराठीसह हिंदी कलाविश्वात स्वत:ची वेगळी ओळख निर्माण केली आहे. सध्या अभिज्ञा स्टार प्लसवरील ‘बातें कुछ अनकही सी’ या लोकप्रिय मालिकेत महत्त्वाची भूमिका साकारत आहे. या मालिकेच्या शूटिंगदरम्यानचे अनेक फोटो-व्हिडीओ अभिज्ञा सोशल मीडियावर शेअर करत असते. वैयक्तिक आयुष्यात अभिज्ञाने ६ जानेवारी २०२१ रोजी मेहुल पै याच्याशी लग्नगाठ बांधली. दोघांचेही अनेक रोमँटिक फोटो सोशल मीडियावर व्हायरल होत असतात. सध्या अभिज्ञाने शेअर केलेल्या अशाच एका फोटोने सर्वांचं लक्ष वेधून घेतलं आहे.
हेही वाचा : ‘या’ लोकप्रिय बॉलिवूड अभिनेत्याच्या पत्नीच्या भूमिकेत झळकणार स्पृहा जोशी, चित्रपटाचा ट्रेलर प्रदर्शित
अभिज्ञा भावेने ‘बातें कुछ अनकही सी’ या मालिकेच्या सेटवरील एक खास फोटो इन्स्टाग्रामवर शेअर केला आहे. या फोटोमध्ये तिच्या हातात मातीची धुपारत पाहायला मिळत आहे. धुपारती धुरात अभिज्ञाने खास फोटोशूट केलं आहे. तिच्या या फोटोवर मेहुलने खास कमेंट केली आहे.\
अभिज्ञाने या फोटोला “लॉस्ट इन द मुमेंट’ असं कॅप्शन दिलं आहे. या फोटोवर प्रतिक्रिया देताना तिचा नवरा मेहुल म्हणतो, “म्हणून तुझा घसा (थ्रोट इरिटेशन) दुखतोय.” नवऱ्याच्या कमेंटवर अभिज्ञाने सहमती दर्शवली आहे. याशिवाय तिच्या अनेक चाहत्यांनी अभिनेत्रीच्या या हटके फोटोशूटचं कौतुक केलं आहे.
हेही वाचा : ठरलं तर मग : अखेर सायली घरच्यांना सांगणार गरोदर नसल्याचं सत्य! ‘या’ दिवशी असेल विशेष भाग, प्रोमो आला समोर…
दरम्यान, अभिज्ञा भावे मराठी मनोरंजनसृष्टीतील आघाडीची टेलिव्हिजन अभिनेत्री म्हणून ओळखली जाते. तिने अनेक गाजलेल्या मालिकांमध्ये काम केलं आहे. सध्या ‘बातें कुछ अनकही सी’ या हिंदी मालिकेतून ती प्रेक्षकांचं मनोरंजन करत आहे. या मालिकेत अभिनेता मोहित मलिक आणि मराठमोळी अभिनेत्री सायली साळुंखे प्रमुख भूमिकेत आहेत.
