“तुमच्यासाठी श्रद्धांजली हा शब्द…”, रतन टाटांच्या निधनावर प्रवीण तरडेंनी व्यक्त केली हळहळ; पोस्ट करत म्हणाले…

कुशल बद्रिके, सिद्धार्थ चांदेकर, प्रसिद्ध लेखक क्षितिज पटवर्धन, सलील कुलकर्णी, सुकन्या मोने, सचिन व सुप्रिया पिळगांवकर यांसारख्या बऱ्याच कलाकारांनी पोस्ट शेअर करत रतन टाटा यांच्या निधनाबद्दल शोक व्यक्त केला आहे. मराठी कलाविश्वाचे लोकप्रिय दिग्दर्शक व अभिनेते प्रवीण तरडेंनी देखील फेसबुक पोस्ट शेअर करत आपल्या भावना व्यक्त केल्या आहेत.

हेही वाचा : रतन टाटांनी निर्मिती केलेला एकमेव बॉलीवूड चित्रपट कोणता? अमिताभ बच्चन होते प्रमुख भूमिकेत; बॉक्स ऑफिसवर ठरलेला फ्लॉप

प्रवीण तरडेंची पोस्ट

“काही माणसांचं नुसतं असणं सुध्दा कित्येकांना जगण्याचं, लढण्याचं बळ देतं .. आज ते कित्येकजण पोरके झाले.. तुमच्यासाठी श्रध्दांजली हा शब्द लिहू शकत नाही मला माफ करा” अशी पोस्ट शेअर करत प्रवीण तरडेंनी रतन टाटा यांच्या निधनावर शोक व्यक्त केला आहे.

दरम्यान, रतन टाटा जरी आज आपल्याला सोडून गेले असले तरीही त्यांचे आदर्श विचार नेहमीच आपल्याला प्रेरणा देत राहणार आहेत. सर्वच क्षेत्रातील मंडळींसाठी रतन टाटा ( Ratan Tata ) हे एक प्रेरणास्थान आहेत.

हेही वाचा : Video: जर्मनीत कॉन्सर्ट सुरू असताना रतन टाटांच्या निधनाबद्दल कळालं अन्…; दिलजीत दोसांझच्या कृतीचं होतंय कौतुक

हेही वाचा : “एखाद्याला निरोप देताना सहज ‘टा-टा’ म्हणतो…”, रतन टाटांच्या निधनानंतर मनोरंजन विश्वात हळहळ, मराठी कलाकारांच्या भावुक पोस्ट

दरम्यान, गेल्या काही दिवसांपासून रतन टाटांची ( Ratan Tata ) प्रकृती चिंताजनक होती. त्यामुळे मुंबईतील ब्रीच कँडी रुग्णालयात त्यांच्यावर उपचार सुरू होते. मुख्यमंत्री एकनाथ शिंदेंसह दोन्ही उपमुख्यमंत्र्यांनी एक्स पोस्ट शेअर करत त्यांना श्रद्धांजली अर्पण केली आहे. आज ( १० ऑक्टोबर ) दुपारी ३.३० वाजता वरळीतील स्मशानभूमीत रतन टाटा यांच्या पार्थिव देहावर शासकीय इतमामात अंत्यसंस्कार केले जाणार आहेत.