चित्रपटसृष्टीमधील घराणेशाहीवर श्रेयस तळपदेचं वक्तव्य, म्हणाला, “आता भेटलात पुन्हा…”

झी मराठी वाहिनीवरील ‘खुपते तिथे गुप्ते’ या कार्यक्रमामध्ये श्रेयस तळपदे हजेरी लावणार आहे. अवधूत गुप्तेच्या या शोचं हे तिसरं सीझन आहे. या शोच्या दुसऱ्या भागात श्रेयस उपस्थित राहिल. या भागामध्ये श्रेयस त्याच्या खासगी आयुष्याबाबत भाष्य करताना दिसेल. त्याचबरोबरीने कलाक्षेत्रामधील अनेक विषयांवरही तो बोलणार आहे.

आणखी वाचा – चार चित्रपट करुनही काम मिळेना, शेवटी नोकरी केली पण…; ‘महाराष्ट्राची हास्यजत्रा’मधील प्रसिद्ध अभिनेत्याचा खुलासा, म्हणाला, “माझा पगार…”

या कार्यक्रमाचे प्रोमोही समोर आले आहे. याच प्रोमोमध्ये अवधूत त्याच्याबरोबर एक गेम खेळताना दिसत आहे. अवधूत त्याला काही पत्र देणार आहे. त्यातील पत्र तो कोणाला देऊ इच्छितो हे श्रेयसला सांगायचं आहे. यामध्ये अवधूत एक पत्र त्याला देतो. त्यामध्ये असं वाक्य लिहिलेलं असतं की, “आता भेटलात पुन्हा भेटू नका”. श्रेयसने याचं दिलेलं उत्तर सगळ्यांच्याच भूवया उंचावणारं आहे.

आणखी वाचा – “वडिलांना हे क्षेत्र मान्य नव्हतं आणि…” ‘महाराष्ट्राची हास्यजत्रा’मधील सुप्रसिद्ध अभिनेत्रीची पोस्ट, म्हणाली, “आमच्या तीन भावडांपैकी…”

“आता भेटलात पुन्हा भेटू नका” हे पत्र तुला कोणाला द्यायला आवडेल?” असं अवधूत श्रेयसला विचारतो. तेव्हा श्रेयस म्हणतो, “हे फक्त एखाद्या व्यक्तीपर्यंत जाऊ शकत नाही. घराणेशाही करणाऱ्या सगळ्यांना मला हे पत्र द्यायचं आहे की, आता भेटलात पुन्हा नका भेटू”. श्रेयसच्या या वक्तव्यावरुन त्यालाही घराणेशाहीचा सामना करावा लागला असल्याचं दिसतं.