‘नाटू नाटू’ गाण्याचा ऑस्करमध्ये डंका?

दरम्यान, ‘आरआरआर’ हा चित्रपट ऑस्कर २०२३ साठी पाठवला जात असल्याची माहिती देण्यात आली होती. ऑस्करमधील १४ वेगवेगळय़ा विभागांसाठी चित्रपटाचे नाव देण्यात आले असून सर्वोत्कृष्ट मोशन पिक्चर- डी.वी.वी. दानय्या, सर्वोत्कृष्ट दिग्दर्शक – एस.एस. राजामौली, सर्वोत्कृष्ट मूळ पटकथा – व्ही. विजयेंद्र प्रसाद, सर्वोत्कृष्ट अभिनेता म्हणून एन.टी. रामाराव ज्युनिअर आणि राम चरण, सर्वोत्कृष्ट साहाय्यक अभिनेत्रीसाठी आलिया भट्ट तर सर्वोत्कृष्ट साहाय्यक अभिनेता म्हणून अजय देवगण यांचा या विभागात समावेश करण्यात आला आहे.

आणखी वाचा – “‘आरआरआर’ला सर्वोत्कृष्ट चित्रपटाचा ऑस्कर…” प्रसिद्ध हॉलिवूड निर्मात्याचं ट्वीट चर्चेत

‘नाटू नाटू’ या गाण्याचे गीतकार चंद्रबोस असून राहुल सिपलीगुंज, काला भैरवा यांनी हे गाणे गायले आहे. तसेच, ‘आरआरआर’ चित्रपटातील गाणी दिग्गज संगीतकार एम. एम. कीरावानी यांनी संगीतबद्ध केली आहेत. लोकांना वेड लावणाऱ्या ‘नाटू नाटू’ या गाण्याने तर समाज माध्यमांवर धुमाकूळच घातला होता. राम चरण आणि ज्युनियर एनटीआर यांनी नृत्य केलेल्या या गाण्याच्या रिल्सही मोठय़ा प्रमाणात केल्या गेल्या. भारतीयच नाही तर परदेशातील प्रेक्षकांनाही नाटू नाटू या गाण्यावर थिरकण्याचा मोह आवरला नव्हता. मध्यंतरी लॉस एंजेलिसमधील चायनीज थिएटरमध्ये बियाँड फेस्टचा एक भाग म्हणून ‘आरआरआर’ हा चित्रपट प्रेक्षकांना दाखवला गेला त्यावेळी नाटू नाटूह्ण या गाण्यावर प्रेक्षकांनी नाचत-गात व्हिडीओ करत मनमुराद आनंद घेतला होता.