scorecardresearch

Oscars 2023: “हे गाणं पुढील कित्येक वर्षं…” ऑस्कर पटकावणाऱ्या ‘नाटू नाटू’ गाण्याचं पंतप्रधान नरेंद्र मोदींनी केलं कौतुक

किरवानी यांचं स्टोजवर स्पीच सुरू असताना दीपिका पदुकोणही भावूक झाली

narendra modi naatu naatu
फोटो : सोशल मीडिया

Oscar Awards 2023 : चित्रपटसृष्टीतील मानाचा समजला जाणाऱ्या ९५ व्या ऑस्कर पुरस्काराची घोषणा झाली आहे. यंदाचा ऑस्कर भारतासाठी फारच खास होता. ऑस्कर २०२३ साठी आरआरआर चित्रपटातील ‘नाटू नाटू’ गाण्याला बेस्ट ओरिजनल साँग कॅटेगरीत नामांकन मिळालं होतं. हा पुरस्कार आरआरआरने आपल्या नावावर केला आहे.

संगीतकार एमएम किरावानी आणि चंद्रबोस यांनी मंचावर जाऊन ऑस्कर पुरस्कार स्वीकारला. ‘नाटू नाटू’चा पुरस्कार स्वीकारताना किरावानी म्हणाले, “मी कारपेंटर्सची गाणी ऐकत मोठा झालो आणि आज माझ्या हातात ऑस्कर पुरस्कार आहे”. किरवानी यांचं स्टोजवर स्पीच सुरू असताना दीपिका पदुकोण भावूक झाली होती. बॉलिवूडमधील सेलिब्रिटी आणि सामान्य लोक सोशल मीडियावर या चित्रपटाच्या टीमला शुभेच्छा देताना दिसत आहेत.

आणखी वाचा : Oscar Awards 2023 : मिशेल योहने रचला इतिहास; उत्कृष्ट अभिनेत्रीचा ऑस्कर पटकावणारी ठरली आशियातील पहिली महिला

देशाचे पंतप्रधान नरेंद्र मोदी यांनीही या गाण्याचं कौतुक करत ट्वीट केलं आहे आणि या चित्रपटाच्या टीमला मनापासून शुभेच्छा दिल्या आहेत. पंतप्रधान नरेंद्र मोदी आपल्या ट्वीटमध्ये म्हणाले, “अपवादात्मक… ‘नाटू नाटू’ गाण्याची लोकप्रियता साऱ्या जगभरात पसरली आहे. हे गाणं पुढील कित्येक वर्षं लोकांच्या स्मरणात राहील. एमएम किरावानी आणि चंद्रबोस या दोघांचे मनःपूर्वक अभिनंदन, आणि हा सन्मान मिळवण्यासाठी संपूर्ण टीमचे अभिनंदन. भारतासाठी हा अभिमानाचा क्षण आहे.”

ऑस्करच्या बेस्ट ओरिजिनल साँगसाठी ‘अप्लॉज’ (टेल इट लाइक अ वुमन), ‘होल्ड माय हँड’ (टॉप गन मॅव्हरिक), ‘लिफ्ट मी अप’ (ब्लॅक पाथेर वाकांडा फॉरेव्हर), आणि ‘दिस इज ए लाइफ’ (एव्हरीथिंग एव्हरीव्हेअर ऑल अ‍ॅट वन्स) या गाण्यांना नामांकन मिळालं होतं. यापैकी एसएस राजामौली यांच्या ‘आरआरआर’ चित्रपटामधील ‘नाटू नाटू’ गाण्याला सर्वोत्कृष्ट गाण्याच्या श्रेणीत ऑस्कर मिळाला.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 13-03-2023 at 10:52 IST
ताज्या बातम्या