अवघ्या चार वर्षाचे असताना चित्रपटसृष्टीत पहिलं पाऊल टाकणारे अभिनेते सचिन पिळगावकर आज त्यांचा वाढदिवस साजरा करीत असून ते ६४ वर्षांचे झाले आहेत. सचिन पिळगावकरांची कला केवळ अभिनयापुरती मर्यादित नाही, तर ते दिग्दर्शक, निर्माता आणि गायक देखील आहेत. बालपणात सचिन पिळगावकर यांनी आपले कौशल्य सिद्ध केले. यासाठी त्यांना देशाचे दुसरे आणि 1963 मधील तत्कालीन राष्ट्रपती डॉ. सर्वपल्ली राधाकृष्णन यांच्या हस्ते सर्वोत्कृष्ट बालकलाकाराचा राष्ट्रीय पुरस्कार मिळाला. विशेष गोष्ट म्हणजे सचिन यांच्यासोबत त्यांची पत्नी आणि प्रसिद्ध अभिनेत्री सुप्रिया पिळगावकर यांचाही आज वाढदिवस असतो. होय, सचिन पिळगावकर आणि सुप्रिया पिळगावकर यांचा वाढदिवस एकाच दिवशी आहे. दोघेही त्यांचा वाढदिवस दरवर्षी एकाच दिवशी साजरा करतात. दोघांची लव्हस्टोरी कुठल्या चित्रपटाच्या स्टोरीपेक्षा काही कमी नाही. आज अभिनेते सचिन आणि सुप्रिया पिळगावकर यांच्या वाढदिवशी जाणून घेऊयात त्यांच्या लव्ह स्टोरी बद्दल…
सचिन आणि सुप्रिया पिळगांवकर हे मराठी चित्रपटसृष्टीतील दोन सर्वात लोकप्रिय कलाकार आहेत आणि मराठी चित्रपटांमध्ये त्यांचे योगदान उल्लेखनीय आहे. सचिन यांनी केवळ तीन वर्षांचे असताना 1963 च्या ‘हा माझा मार्ग एकला’ या चित्रपटातून बालकलाकार म्हणून आपल्या कारकिर्दीची सुरुवात केली. ‘गीत गाता चल’, ‘बालिका बधू’, ‘अंखियों के झारोखों से’ आणि ‘नदिया के पार’ यांसारख्या चित्रपटांसह त्यांनी बॉलिवूडमध्ये यशस्वी कामगिरी केली. नंतर, ‘शोले’ चित्रपटातून लोकप्रियता मिळाल्यानंतर 1982 मध्ये रिलीज झालेल्या ‘माय बाप’ या मराठी चित्रपटाद्वारे दिग्दर्शनात पाऊल ठेवले.
View this post on Instagram
1984 मध्ये रिलीज झालेल्या आणि त्यांनी दिग्दर्शित केलेला दुसरा चित्रपट ‘नवरी मिळे नवऱ्याला’मध्ये सचिन पिळगावकर यांनी नवोदित अभिनेत्री सुप्रिया सबनीस यांना कास्ट केलं होतं. 10 वर्षांनी लहान असलेल्या सुप्रिया या कला शिकण्यास तत्पर होत्या आणि त्यांनी ‘चमेली’ चित्रपटातून अभिनयाला सुरूवात केल्यानंतर लाखो लोकांची मने जिंकली. सचिन पिळगावकर यांच्या आईने त्यांच्याकडे सुप्रियाबाबत आपला विचार मांडला. त्यांनी सचिन यांच्या सुप्रियाची निवड केली होती. आईने सांगितल्याप्रमाणे सचिन पिळगावकर यांनीही ही गोष्ट मनावर घेतली. ‘नवरी मिले नवऱ्या’च्या शूटिंग दरम्यान दोघे एकमेकांच्या प्रेमात पडले.
View this post on Instagram
This quiz is AI-generated and for edutainment purposes only.
परंतु एकमेकांना कबूल करण्याचे धैर्य ते जमवू शकले नाहीत. राजश्री मराठीला दिलेल्या मुलाखतीत सचिन यांनी खुलासा केला होता की, त्यांना चित्रपटाच्या शूटिंग दरम्यान सुप्रियाला प्रपोज करायचे होते. पण तसं करण्याचं धाडस जमलं नाही.
चित्रपटाचं शूटिंग पूर्ण झाल्यानंतर त्यांनी सुप्रियाला प्रपोज केलं. त्यावेळी सुप्रियाला वाटलं की ते आधीच विवाहित असतील. ते अविवाहित आहेत हे सचिन यांना अक्षरशः पटवून द्यावं लागलं. अखेर या जोडप्याने १ डिसेंबर १९८५ मध्ये लग्नगाठ बांधली. नंतर, त्यांनी ‘आशी ही बनवा बनवी’, ‘माझा पती करोडपती’, ‘आयत्या घरत घरोबा’, ‘नवरा माझा नवसाचा’, ‘आम्ही सातपूत’ यासह अनेक चित्रपटांमध्ये दोघांनी एकत्र स्क्रीन स्पेस शेअर केली.
View this post on Instagram
सचिन-सुप्रिया लग्नानंतर एका मुलीला दत्तक घेतलं. मात्र यामुळे ते वादग्रस्त प्रकरणात अडकले. या जोडप्याने अगदी लहान वयातच करिश्माला दत्तक घेतले. पण, नंतर सचिन-सुप्रिया म्हणाले की, करिश्माचे वडील तिला जबरदस्तीने घेऊन गेले. ज्यावेळी दोघांनी करिश्माला दत्तक घेतलं होतं, त्यावेळी तिने तिचे वडील कुलदीप मखानी यांना तिने ओळखलं. तिच्या वडिलांनी तिला जबरदस्तीने घेऊन गेले. त्यानंतर सचिन आणि सुप्रिया यांनी तिला सोडून दिलं आणि तिच्या नावापूढे आपलं नाव लावण्यासाठी देखील नकार दिला.
