शुभमंगल सावधान! ‘आई कुठे काय करते’ फेम अभिनेत्री अडकली लग्नबंधनात; फोटो शेअर करत म्हणाली…

लग्न लागतानाचे फोटो शेअर करत कौमुदीने ( Kaumudi Walokar ) त्यावर ‘साथ सात जन्माची’ असं कॅप्शन दिलं आहे. अभिनेत्रीचा साखरपुडा गेल्या वर्षाच्या अखेरीस पार पडला होता. यानंतर कौमुदी विवाहबंधनात केव्हा अडकणार याची तिचे चाहते आतुरतेने वाट पाहत होते. अखेर तो क्षण आता आलेला आहे. कौमुदी आणि आकाश यांचा लग्नसोहळा थाटामाटात पडला आहे.

हेही वाचा : मराठी अभिनेत्याने दिली प्रेमाची जाहीर कबुली! समुद्रकिनारी केलं प्री-वेडिंग शूट; होणारी पत्नी आहे सेलिब्रिटी छाया चित्रकार, पाहा फोटो

कौमुदी वलोकरचा लग्नात पारंपरिक लूक

कौमुदीचा पती आकाश चौकसे हा कलाविश्वापासून दूर आहे. तो उच्चशिक्षित असून एज्युकेशन विषयात त्याची पीएचडी पूर्ण झालेली आहे. संगीत सोहळ्याला आकाशने कौमुदीला हटके स्टाइलमध्ये प्रपोज करत पुन्हा एकदा लग्नाची मागणी घातली होती. या गोड जोडप्याचे अनेक फोटो आणि व्हिडीओ सध्या सोशल मीडियावर व्हायरल होत आहेत. लग्न लागताना कौमुदीने निळ्या रंगाची नऊवारी साडी, गुलाबी शेला अन् ब्लाऊज, पारंपरिक भरजरी दागिने, हातात हिरवा चुडा असा मराठमोळा लूक केला होता. तर, आकाशने ऑफ व्हाइट रंगाचा सदरा आणि त्यावर निळ्या रंगाचा शेला घेऊन आपल्या बायकोला ( Kaumudi Walokar ) मॅचिंग होईल असा लूक लग्नात केला होता.

हेही वाचा : “मी मालिका करणार नव्हतो, पण…”, अशोक सराफ यांनी सांगितलं टेलिव्हिजनवर कमबॅक करण्याचं कारण; म्हणाले, “निवेदिता…”

हेही वाचा : गोव्याच्या समुद्रात बुडत होते प्रसिद्ध युट्यूबर अन् त्याची गर्लफ्रेंड; IPS अधिकाऱ्याच्या कुटुंबाने वाचवले जीव, थरारक प्रसंग सांगत म्हणाला…

कौमुदी ( Kaumudi Walokar ) आणि आकाश यांच्या लग्नाच्या फोटोंवर नेटकऱ्यांनी कौतुकाचा वर्षाव करण्यास सुरुवात केली आहे. अश्विनी महांगडे, कृतिका देव, अभिषेक देशमुख ही कलाकार मंडळी अभिनेत्रीच्या लग्नसोहळ्याला उपस्थित होती. सध्या संपूर्ण मराठी कलाविश्वातून कौमुदीवर शुभेच्छांचा वर्षाव करण्यात येत आहे.