“किती वाईट दिवस आलेत गुप्तेवर…”, ‘खुपते तिथे गुप्ते’वर प्रेक्षक नाराज, अवधूतला ट्रोल करत म्हणाले…

या कार्यक्रमामध्ये आत्तापर्यंत राज ठाकरे, नारायण राणे, संजय राऊत, देवेंद्र फडणवीस, नितीन गडकरी, श्रेयस तळपदे, अमृता खानविलकर, सई ताम्हणकर, सुबोध भावे अशा अनेक दिग्गजांनी हजेरी लावली आहे. तर आगामी भागामध्ये राजकारणी अभिजीत बिचुकले पाहुणे म्हणून उपस्थिती लावताना दिसणार आहेत. परंतु त्यांना पाहुणे म्हणून आमंत्रित केलेलं प्रेक्षकांना चांगलंच खटकलं आहे.

आणखी वाचा : “उद्धव साहेबांची खुर्ची गेली तेव्हा तुम्हाला काय वाटलं?” राज ठाकरेंनी दिलं स्पष्ट उत्तर, म्हणाले…

या कार्यक्रमाच्या पुढील भागाचा प्रोमो नुकताच प्रदर्शित झाला. यामध्ये पुढील भागात अभिजीत बिचुकले प्रमुख पाहुणे म्हणून उपस्थित राहणार असल्याचं स्पष्ट झालं. या प्रोमोमध्ये ते त्यांच्या हटके शैलीत अवधूत गुप्तेशी संवाद साधताना दिसत आहेत. परंतु या प्रोमोला प्रेक्षकांची नापसंती मिळताना दिसत आहे.

हेही वाचा : शिरीष यांच्याबद्दल घरी सांगताच ‘अशी’ होती वंदना गुप्तेंच्या वडिलांची प्रतिक्रिया, म्हणाल्या, “तो पहिल्यांदा घरी आला आणि…”

या प्रोमोवर एका नेटकऱ्याने कमेंट करत लिहिलं, “अर्रर…किती वाईट दिवस आले आहेत गुप्तेवर.” तर दुसरा नेटकरी म्हणाला, “कार्यक्रमाचा दर्जा घालवू नका.” तिसऱ्याने लिहिलं, “डोक्यावर पडले आहेत का झी वाले!?” तर आणखी एक कमेंट करत म्हणाला, “गुप्ते तुम्ही शो सोडून द्या…” त्यामुळे आता चॅनलला आणि अवधूत गुप्तेला नेटकरी ट्रोल करू लागले आहेत.