Bigg Boss 18: करणवीर मेहराने रिलेशनशिपवरून चाहत पांडेला डिवचलं, अभिनेत्रीने रागाच्या भरात केलं ‘हे’ कृत्य

‘कलर्स टीव्ही’च्या सोशल मीडियावर नुकताच ‘बिग बॉस’च्या १८व्या पर्वाचा एक प्रोमो शेअर करण्यात आला आहे. ज्यामध्ये करणवीर मेहरा चाहताला रिलेशनशिपवरून टोमणे मारताना दिसत आहे. पण, यावरून चाहतचा पारा चढतो आणि ती भांडी फेकते. त्यानंतर ती रडताना दिसत आहे. नेमकं काय घडलं? जाणून घ्या…

हेही वाचा – Bigg Boss 18: “हीच तोंडपण बघायचं नाही…”, घराबाहेर येताच कशिश कपूरची शिल्पा शिरोडकरवर टीका, म्हणाली…

प्रोमोमध्ये चाहत शिल्पाला सांगतेय की, खूप काही कमवलंय. पण ती घाम गाळून केलेली कमाई आहे. त्यानंतर करणवीर विचारतो, तुझ्याकडे इतकं काम होतं. तर तुला अ‍ॅनिव्हर्सरी साजरी करायला कसा वेळ मिळाला? तेव्हा चाहत म्हणाली, “तू याची काळजी करू नकोस.” मग करण मिश्किलपणे हसला.

त्यानंतर चाहत करणला म्हणते की, मेहरा मी उत्तर देऊ शकत नाही. पण मी बरंच काही बोलू शकते. पुढे चाहतचा राग अनावर होतो आणि ती समोर असलेली भांडी करणच्या अंगावर फेकताना दिसत आहे. ती करणला इथून निघून जा असं बोलते आणि नंतर एकट्यात रडताना पाहायला मिळत आहे.

हेही वाचा – Video: ‘टाइमपास’ दिग्दर्शक रवी जाधव यांनी घेतलं नवं आलिशान घर, वास्तुशांतीचे खास क्षण शेअर करत म्हणाले, “गावातील छोट्याशा घरातून…”

चाहत आणि करणच्या या प्रोमोवर नेटकऱ्यांच्या प्रतिक्रियांचा पाऊस पडला आहे. अनेकांनी करणला ट्रोल करून चाहतला पाठिंबा दिला आहे. “करण तुला लाज वाटली पाहिजे”, “करण ट्रॉफी जिंकण्यास पात्र नाही”, “चाहत पांडेला पूर्ण पाठिंबा आहे”, “जबरदस्त चाहत”, “अतिआत्मविश्वासू करण”, अशाप्रकारच्या नेटकऱ्यांच्या प्रतिक्रिया उमटल्या आहेत.

हेही वाचा – Bigg Boss 18: चाहत पांडेच्या आईने ‘बिग बॉस’च्या निर्मात्यांना दिलं खुलं आव्हान, २१ लाखांचं बक्षीस केलं जाहीर; का, कशासाठी? जाणून घ्या…

दरम्यान, गेल्या आठवड्यात ‘बिग बॉस’च्या घरातून कशिश कपूर बाहेर झाली. त्यामुळे आता घरात फक्त ९ सदस्य बाकी राहिले आहेत. या सदस्यांमधून कोण-कोण महाअंतिम फेरीपर्यंत पोहोचतंय? हे पाहणं महत्त्वाचं असणार आहे.