“हे माझ्या घरच्यांनाही माहीत नाही….”, स्पृहा जोशीने उघड केलं तिच्याबद्दलचं एक मोठं गुपित

तिने नुकतीच ‘व्हायफळ’ या युट्युब चॅनलला मुलाखत दिली. यावेळी तिने लहानपणीपासून तिला मिळत गेलेली शिकवण, तिच्या आवडीनिवडी, विविध विषयांवरील तिची मतं शेअर केली. याचवेळी तिने कोणालाही तिच्याबद्दल माहीत नसलेली एक गोष्टही सांगितली.

आणखी वाचा : स्पृहा जोशी आणि प्रथमेश लघाटे आहेत एकमेकांचे नातेवाईक, दोघांमधील नात्याबद्दल कळल्यावर ‘अशी’ होती मुग्धा वैशंपायनची प्रतिक्रिया

आपल्याला पडणाऱ्या स्वप्नांबाबत तिला खूप कुतूहल आहे. स्वप्न कशी पडतात, ती आपल्या कशी लक्षात राहतात, आपण झोपल्यावर आपला मेंदू कशाप्रकारे काम करतो याबद्दल जाणून घ्यायला तिला खूप आवडतं. एक दिवस याबद्दलचं एक भाषण ऐकताना त्यात सांगितलेली एक ट्रिक तिने आचरणात आणायचं ठरवलं. त्यानुसार जेव्हा शुटींग नसेल तेव्हा सकाळी तिला आदल्या रात्री स्वप्नात कोण दिसलं? ती एखादी जागा होती का? की माणसं होती? घडलेली गोष्ट दिसली? की घडणार आहे अशी गोष्ट दिसली? हे सगळं आठवण्याचा प्रयत्न करते.

हेही वाचा : लाल रंगाचे केस अन्…; ऐतिहासिक मालिकेचं शूटिंग संपताच स्पृहा जोशीने बदलला लूक, चाहते म्हणाले…

मुख्य म्हणजे या सगळ्या गोष्टी ती तिच्या डायरीमध्ये लिहून ठेवते. ती तिच्या डायरीमध्ये तिला पडलेल्या स्वप्नांबद्दल लिहिते हे आतापर्यंत कोणालाही माहीत नव्हतं. हे तिच्या घरच्यांनाही माहीत नाही असा खुलासा तिने यावेळी केला.