अभिनेत्री जुई गडकरी सध्या ‘ठरलं तर मग’ या मालिकेमुळे चांगलीच चर्चेत आहे. या मालिकेत तिने साकारलेली सोज्वळ, साधी सायली प्रेक्षकांच्या चांगलीच पसंतीस पडली आहे. ‘ठरलं तर मग’ मालिकेने अल्पावधीत प्रेक्षकांच्या मनात घर निर्माण केलं आहे. त्यामुळे मालिका टीआरपीच्या यादीत देखील अव्वल स्थानावर आहे. अशातच मालिकेच्या सेटवरील जुईने एक व्हिडीओ शेअर केला आहे; जो चांगलाच चर्चेत आला आहे.
अभिनेत्री जुई गडकरी सोशल मीडियावर फार सक्रिय असते. मालिकेच्या सेटवरील गमतीशीर गोष्टी शेअर करत असते. काही तासांपूर्वी तिने एक व्हिडीओ शेअर केला आहे. ज्यामध्ये दुपारी २ ते ४ च्या दरम्यान मालिकेतील कलाकार मंडळी काय करताना हे पाहायला मिळत आहे.
हेही वाचा – केतकी माटेगावकरचं पहिलं लग्न कोणाबरोबर झालंय? जाणून घ्या…
२ ते ४ वेळेत कलाकार मंडळी आपल्या सीनच्या शूटिंगमध्ये व्यस्त असलेले पाहायला मिळत आहेत. तर दुसऱ्या बाजूला याच वेळेत जुई झोपलेली दिसत आहे. जुईचा हा मजेशीर व्हिडीओ पाहून बऱ्याच चाहत्यांनी पुणेकर आहे वाटतं? असं विचारलं आहे.
सध्या मालिकेत काय सुरू आहे?
‘ठरलं तर मग’ मालिकेत गणेश विसर्जनादरम्यान सायलीवर हल्ला झाल्याचं दाखवण्यात आलं आहे. त्यामुळे सध्या सायलीचे प्राण वाचवण्यासाठी धडपड सुरू आहे. सायलीला ‘ओ निगेटिव्ह’ रक्तगटाची आवश्यकता आहे. परंतु, कोणाचाही रक्तगट सायलीच्या रक्तगटाशी जुळत नाहीये. पण अशा काळात सायलीची आई म्हणजे प्रतिमा तिला रक्त देणार असल्याचं समोर आलं आहे. त्यामुळे आता हल्ल्यामुळे अर्जुन-सायलीच्या नात्याला कोणतं नवं वळण देईल? हे पाहणं उत्सुकतेचं असणार आहे.
