झहीरसोबत वेस्ट इंडीजमध्ये सुट्ट्यांचा आनंद लुटतेय सागरिका

सागरिकाने झहीरसोबतचा सेल्फी इन्स्टाग्रामवर शेअर केला.

zaheer khan, sagarika ghatge
झहीर खान, सागरिका घाटगे

आयसीसी चॅम्पियन्स करंडक स्पर्धेतील पराभवानंतर आता भारतीय क्रिकेट संघ वेस्टइंडीजविरोधात पाच एकदिवसीय सामन्यांची मालिका खेळत आहे. यामध्ये पहिल्या दोन सामन्यांपैकी एक सामना जिंकत १-० अशी आघाडी भारतीय क्रिकेट संघाने घेतली आहे. यादरम्यान भारतीय गोलंदाज झहीर खानला अभिनेत्री आणि होणारी पत्नी सागरिका घाटगेसोबत येथे सुट्ट्यांचा आनंद लुटतोय.

त्रिनिदादमध्ये झहीर आणि सागरिकाला एकत्र पाहिलं गेलं. सागरिकाने झहीरसोबतचा एक सेल्फीसुद्धा आपल्या इन्स्टाग्राम अकाऊंटवरून शेअर केला आहे. झहीर खान आणि अभिनेत्री सागरिका घाटगे यांचा काही दिवसांपूर्वीच साखरपुडा झाला. या साखरपुड्याला भारतीय संघाचे अनेक माजी आणि आजी खेळाडू उपस्थित होते. विविध बॉलिवूड तारकांनीही हजेरी लावली होती. झहीर आणि सागरिकाला गोव्यात युवराज सिंगच्या लग्नाच्या रिसेप्शनमध्ये पहिल्यांदा एकत्र पाहिलं गेलं.

वाचा : शाहरूखने अबरामला दिली ही ‘ईदी’

गेल्या काही महिन्यांपासून झहीर आणि सागरिकामध्ये प्रेमसंबंध असल्याच्या चर्चा होत्या. पण, एप्रिल महिन्यात आयपीएल सुरु होण्यापूर्वी झहीरने ट्विट करून तो सागरिकाशी लग्न करणार असल्याची माहिती दिली. बोटात साखरपुड्याची अंगठी घातलेल्या सागरिकासोबतचा फोटो शेअर करत त्याने ही आनंदाची बातमी दिली होती. या वर्षाअखेरपर्यंत हे प्रेमीयुगुल लग्न करणार असल्याचे कळते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Zaheer khan and sagarika ghatge enjoying in west indies

Next Story
गॉसिप
ताज्या बातम्या